Владимир Волков: «Юбилейный» од микрорайонть благоустройстванц коряс сембе работатне шумордамат тядде!»

17 февральста Мордовиянь  Оцюнясь Владимир Волков етафтсь  рабочай совещания «Юбилейный»  ЖК-нь омбоце микрорайонть и  Тавла и Инсар ляйхнень, а стане  жа «Мордовия Арена» стадионть  еткста территориять  благоустройстванц  мархта сотф кизефкснень коряс. Подрядчикть инголе путфоль задача нюрьхкяня пингста пяшкодемс объекттнень эса работатнень, конат строявихть 2018 кизонь футболть коряс Миронь чемпионатти анокламатнень рамкаса. Совещанияса примасть участия  - МР-нь Правительствать Председателец Владимир Сушков и сонь заместителенза, конат вятьсазь мундиальти строямань и анокламань кизефкснень, а стане жа Саранск ошень округонь оцюнясь Петр Тултаев.

Корхтамок строямань пингть и работатнень объмснон колга, Владимир Волков китькстазе: «Тя районца благоустройствати кярьмодема тяникиге – тянкса лядсь фкя строительнай сезон! Сонь аделавоманцты сембось должен улемс анок – строяфт эрямань куттне, поликлиникась, идень кафта саттне, полициянь отделсь, мишендемань центрась, а стане жа – бульварсь, автомобильнай китне и пешеходнай тратуархне».

Васендакиге решандаф ушедомс сай пингонь благоустройствать алу территориять почедоманц эзда, тянкса маластонь кафта кофнень Тавлать аймакс сави пачфтемс 300 тежянь кубометра мода. Апак кирнек ушедомат работатне Волгоградскяй ульцять и Кочкурова вели вяти автомобильнай кить еткста Тавла ляйть трванц благоустройстванц поладоманц коряс, шумордама Тавла ляйть туркс пешеходнай сетть строямац.

Тяда башка, «Юбилейный» жилой застройкать аймакса, тяконь лувксса «Тавла» ГЖК-сь, строительнай сезонть пингста педа-пес строямат автомобильнай и пешеходнай китне, бульварсь (Севостопольскяй и Кочкуровскяй ульцятнень и Тавла ляйть кучкаста территорияса тиф капитальнай ремонт Посопскяй седти. Стане жа тяка пингста арьсекшневи тиемс реконструкция Инсарскяй ульцять эзга автомобильнай кить участканцты.

Мордовия Республикань Оцюнять Пресс-службац