Артём Здунов спасибась Альберт Каримовонди промышленнай секторть лангс мялень шарфтоманкса и отраслять ширенц кирдеманкса. «Ламоц машиностроительнай предприятиятнень коряс тяни республикась аноклай заявкат — карматама вешема гослезкс. Эряви одкстоптомс «Рузхиммаш» АО-нь, «ВКМ-Сталь» завоттнень производстваснон, контейнеростроениянь сферать, - мярьгсь Мордовиянь Оцюнясь. - «Электровыпрямитель» заводоньке работай «Трансмашхолдинг» компаниять мархта. Тя кандсь результатт — промышленнай производствась кассь 146 процентта. Улихть платт ётафтомс башка мощносттнень Мордовияв».
«Мордовия Республикань машиностроительнай комплексонь предприятиятне кемоста ащихть тячиень вызофнень каршес и няфнихть цебярь результатт. 2023 кизонь кафкса ковста региононь машиностроениянь предприятиятнень миф продукцияснон объёмсна касфтовсть пцтай 13 процентта, а производствань объёмсь — средняйста 10 процентта. Арьсетяма, што государственнай ширень кирдемань мератне, конатнень сувафнесыне тевс Промышленностень и торговлянь министерствась, сяда товга лездыхть виияфнемс локальнай производительхнень и мольфтемс инголи марнек отраслять», - мярьгсь Альберт Каримов.
Мордовия Республикань Оцюнять пресс-службац