Артём Алексеевич Здунов

Артём Алексеевич Здунов
Мордовия Республикань Оцюня 2021 кизонь 29 сентябрьста сявомок
Сёрматфтомс

Здунов тяса

Ули мяленте сяда лама
содамс Мордовиять эряфонц колга

Мордовиянь Оцюнясь социальнай сетьтнень эса:


Артём Алексеевич Здунов шачсь 1978 кизонь 18 майста Казаньца.

2000 кизоня шумордазе Казанскяй государственнай финансово-экономическяй институтть (КГФЭИ, тяни Казанскяй, Приволжскяй, федеральнай университетть составса) «Финансы и кредит» специальностьс коре, 2004 кизоня – КГФЭИ-ть аспирантуранц, 2011 кизоня – РФ-нь Президентть видеса народнай хозяйствань и государственнай службань Российскяй академиять (РАНХиГС) «государственно-общественное управление» специальностьс коре. 2012, 2016 и 2017 кизотнень РАНХиГС-са ётась квалификациянь касфнема «Управление инновационным развитием отраслей и регионов», «Управленческое мастерство: развитие региональных команд» и «Применение гибких методов управления проектами в органах власти РФ» программатнень коряс. Государственнай службань кадровай управленческяй резервань анокламань (тяфта лемдеви губернаторонь школань) васенце потоконь выпускниксь.

Экономическяй наукань кандидат. 2005 кизоня КГФЭИ-са аралазе «Отток капитала в системе экономической безопасности современной России» темас коре диссертациять.

1996 кизонь сентябрьста сявомок 1998 кизоти молемс – КГФЭИ-нь студентонь профкомть председателенц заместителец.

2000 кизонь июньцта сявомок 2001 кизонь мартти молемс – «Промышленная страховая компания» (Казань ошсь) открытай акционернай страховой обществань страхованиять коряс специалист, внутренняй аудитор.

2004-2006 кизотнень -  Казанскяй государственнай финансово-экономическяй институтонь макроэкономикань и экономическяй теориянь кафедрань преподаватель.

2006 кизонь июльста сявомок 2010 кизонь майти самс занцезе Татарстан Республикань Наукань академиянь перспективнай экономическяй исследованиянь Центрань наукать коряс директорть заместителенц вастонц.

Татарстанонь наукань академиянь «2009 кизонь инь цебярь учёнайсь» конкурсонь сяськи.

2010 кизонь майста сявомок 2014 кизонь октябрти молемс – Татарстанонь экономикань министрть заместителец.

2014 кизонь октябрьста сявомок 2018 кизонь февралти молемс – Татарстанонь экономикань министр.

2018 кизонь 7 февральста сявомок ульсь Дагестан Республикань правительствань председателькс.

2020 кизонь 18 ноябрьста РФ-нь Президентть В.В.Путинонь Указонц мархта путф Мордовия Республикань Оцюнять аф лама пингс тевонзон тиендикс.

2021 кизонь 29 сентябрьста кочкаматнень итогснон коряс арась Мордовия Республикань Оцюнякс.

Содасы английскяй кяльть. Ули Кембриджень Университетонь английскяй кяльть коряс международнай бизнес-сертификатоц (2009, Великобритания).

Рьвяяф, улихть цёрац и стирец.