Артём Алексеевич Здунов
Здунов тесэ
официальной телеграм-каналось
содамс региононть эрямодонзо
Мордовиянь Правтось соцсеттнесэ:
Артём Алексеевич Здунов чачсь Казаньсэ 1978 иень панжиковонь 18-це чистэ.
2000 иестэ прядызе Казанень государственной финансово-экономической институтонть (КГФЭИ, ней Казанень, Равчирень, федеральной университетэнть юрсо) "финансы и кредит" специальностенть коряс, 2004 иестэ – КГФЭИ-нь аспирантуранть, 2011 иестэ – РФ-нь Президентэнть пингстэ раськень хозяйствань ды государственной службань Россиянь академиянь магистратуранть (РАНХиГС) "государственно-общественное управление" специальностенть коряс. 2012, 2016 ды 2017 иетнестэ РАНХиГС-сэ ютась квалификациянь кастома "Управление инновационным развитием отраслей и регионов", "Управленческое мастерство: развитие региональных команд" ды "Применение гибких методов управления проектами в органах власти РФ" программатнень коряс. Прядызе государственной службань кадратнень управленческой резервань анокстамонь программань васенце потоконть (конась лемдеви губернатортнэнь школакс).
Экономикань наукань кандидат. 2005 иестэ КГФЭИ-сэ идизе "Отток капитала в системе экономической безопасности современной России" темань коряс диссертациянть.
1996 иень таштамковсто саезь 1998 иень ожоковс – КГФЭИ-нь студенттнэнь профкомонь председателень полавтыця.
2000 иень аштемковсто саезь 2001 иень эйзюрковс - "Промышленная страховая компания" (Казань ош) панжадо акционерной страховой обществань страхованиянь коряс специалист, внутренней аудитор.
2004-2006 иетнестэ - Казанень государственной финансово-экономической институтонь макроэкономикань ды экономической теориянь кафедрань преподаватель.
2006 иень медьковсто саезь 2010 иень панжиковс ульнесь Татарстан Республикань Наукань академиянь Перспективной экономической исследованиятнень куншкакуронь прявтонть наукань коряс полавтыцякс.
"Лучший ученый 2009 года" Татарстанонь Наукань академиянь пелькстамонь изниця.
2010 иень панжиковсто саезь 2014 иень ожоковс – Татарстанонь экономикань министрань полавтыця.
2018 иень даволковонь 7-це чистэ саезь ульнесь Дагестан Республикань правительствань председателекс.
2020 иень сундерьковонь 18-це чистэ Россиянь Федерациянь Президентэнть В. В. Путинэнь Указонзо коряс аравтозь Мордовия Республикань Прявтонь тевтнень нурька шкас топавтыцякс.
2021 иень таштамковонь 29-це чистэ кочкамонь итогтнень коряс кармась Мордовия Республикань Прявтокс.
Содасы англань келенть. Ули Кембриджэнь Университетэнь англань келень коряс раськеютконь бизнес-сертификатозо (2009; Великобритания).
Урьвакстозь, ули церазо ды тейтерезэ.