Регионъютконь строямонь конференциясонть – МР-нь Строямонь, транспортонь ды китнень хозяйствань коллегиясонть, конась ютавтовсь чадыковонь 9-це чистэ Саранскойсэ, ветявсь кортамо сэтьме ды вадря китнень строямодост.
«Безопасные и качественные автомобильные дороги» нацпроектэнть лувсо 2019-2024 иетнестэ Мордовиясо арсеви витнемс китнень 1335 вайгельбетнень, сынст эйстэ 188 вайгельбетне - Саранск ошонь агломерациянь границятнесэ.
2020 иестэнть строязь ды витнезь автомобилень китнень малав 200 вайгельбетне.
2021 иестэнть арсеви строямс региононь сетенть лангсо 46 объектт, истя жо 23 участкат Саранск ошонь агломерациясо, кувалмост – 14,8 вайгельбеть. Поладови 2 покш объекттнэнь топавтомась: чугункань кинть ды Инсар леенть велькска путепровод марто Строительной курованть (Победань куростонть саезь Гожувской куронть видьс) кинть строямось, истя жо "Обход г. Рузаевка" автомобилень кинть строямонь васенце пельксэсь.
Республикань транспортонь инфраструктурантень совить 1 автовокзал ды 15 автостанцият, конатнень трокс якить 132 маршрутт, те 42 муниципальнойть, 66 межмуниципальнойть ды 28 регионъютконь маршрутт. Ютазь иенть невтевкстнэнь коряс, транспортось яки Мордовиянь 1270 эрямонь пунктнэстэ 642-тнес. 2021 иестэнть анокстазь пассажиртнэнь усксемань од моделесь.
Мордовия Республикань Прявтонть пресс-службась