Политикань ды экономикань коммуникациянь агентствась анокстызе Россиянь Федерациянь субъекттэнь виев прявттнэнь мартонь рейтингенть. Сонзэ коряс Владимир Волков кадови виев губернатортнэнь группасонть, саизе 28 тарканть.
Кода тешкстызе АПЭК-нь генеральной прявтось Дмитрий Орлов, ковонь од тешксэкс кармась регионтнэнь тевень зярыя топавтыцятнень, конатнень Президентэсь аравтынзе февральстэ, таркаст кемекстамось. Теке шкастост таркаст лавшомгавтыть губернатортнэ, кона регионтнэсэ редяви социальной стакачинь ды каршо молемань активностенть касомась.
Ютазь ковонть коряс васенце вете губернатортнэнь ютксо полавтомат арасть. Рейтингенть прявтсо Московонь мэрэсь Сергей Собянин. Рейтингень таблицань омбоце тарканть вансты Чечня Республикань прявтось Рамзан Кадыров, колмоценть - Татарстанонь прявтось Рустам Минниханов, нилеценть - Тюменень областень губернаторось Владимир Якушев. Рейтингень ветеце таркасонть, кода икелеяк, Краснодарской ёнксонь прявтось Вениамин Кондратьев.
АПЭК-нь ванкшномань-тонавтнемань лувось:
Экспертэнь кевкстнемась, конань лангс нежедезь тееви Россиянь виев губернатортнэнь рейтингесь, ютавтови пекстазь анкетированиянть лувсо. 2017 иень февральстэ эйсэнзэ примасть участия 26 экспертт: политологт, политтехнологт, медиаэкспертт, журналистт.