"Донбасс" морамонь ды киштемань заслуженной государственной академической ансамблясь - Донецкой Народной Республикань визитной карточкась. Коллективенть шкинемась - ламо тюсонь ды ламо раськень, кода сонсь енксось, косо эрить 100 ламо раськеть.
Артём Здунов тешкстызе: "Минек туртов питней: пурнавомс вейсэ, кортамс, кирдемс ялгаксчинь сюлмот, минек республикась интернациональной. Секскак зярдо сакшныть Донбассто минек лелятне-ялакстнэ, минь аштетяно мельспаросо".
Мордовиянь Прявтось евтась сюкпря Россиянь Культурань министерствантень коллективень гастрольтнень анокстамонть кисэ, сынь ушодовсть эйзюрковонь 15-це чистэ ды кармить молеме кавто ковт. "Донбассонь" арсематнесэ пачкодемс Россиянь ведьгемень оштнес, ансамблясь невти ваныцятненень хореографиянь ды вокалонь сехте вадря номертнэнь.
Раськетнень ютксо ялгаксчинь сюлмонень кемекстамонтень покш путовксонть, патриотизманть ды искусствантень служамонть кисэ "Донбасс" морамонь ды киштемань заслуженной государственной академической ансамблясь казезь Мордовия Республикань Прявтонь Благодарственной сермасо. Казненть Артём Здунов максызе генеральной прявтонтень - коллективень художественной руководителентень Ольга Горячеванень.
Мордовия Республикань Прявтонь пресс-службась