Мордовиясо 200 тежадо ламо ломантненень - 14-35 иеть. Кода тешкстызе Мордовиянь Прявтось: «Те самай се категориясь, конань лангс явови минек покш мелесь. Од ломантне – региононть ды масторонть вандынь чись. Секскак, Мордовиясь – эрязасто невтезь федеральной весе проекттнэсэ, конат сюлмавозь од ломантненень лездамонть марто, истя жо сеттнесэ, конат топавтовить Росмолодежинь площадкасонть».
Вастовоманть лувсо тешкстазель, колмо иетнень перть республикасонть вадрясто топавтовить «Россия – страна возможностей» платформань проекттнэ, конатнень ютксо - «Территория самоуправления», «Лига вожатых», «Российская студенческая весна» Весероссиянь фестивалесь, «Студент года» Россиянь национальной премиясь ды лият. 9 тежадо ламо од ломанть кармасть «Большая перемена» весероссиянь пелькстамонь кавто сезонтнэнь участникекс. Республикань Прявтонть пингстэ свалшкань лувсо важоди Од ломантнень программатнень ладямонь ды од ломантнень движениянтень лездамонь советэсь, тов совицятнень ютксо – од ломантнень НКО-нь, вузтнэнь ды СПО-нь учреждениятнень, волонтеронь организациятнень представительтне.
Кортамось мольсь грантонь лезксэнь проекттнэсэ Мордовиянь од ломантнень организациятнень улемадост. 2018-2021 иетнестэ пелькстамонь кочкамонь итогтнень коряс Росмолодежись явсь Мордовиянь од ломантнень проекттнэнень субсидият малав 29 млн целковойтнень покшолмасо. Тедеде Од ломантнень проекттнэнь весероссиянь пелькстамонтень региононть пельде максозь 178 яволявтомат. Вастовомасонть кортасть од ломантнень коряс федеральной программатнесэ ды грантонь пелькстамотнесэ республиканть улемадонзо. Мордовия Республикань од ломантнень куншкакуронть юрсо панжозь проектэнь офис, конась яви лезкс грантонь пелькстамотнес проектэнь яволявтоматнень анокстамосо.
Истя жо кортасть од ломантнень политиканть коряс региононь инфраструктуранть ванстомань ды одкстомтомань, материально-технической юронть вадрялгавтомань кевкстематнеде. Вастовомасонть ульнесь Од ломантнень тевест коряс федеральной агентствань руководителень полавтыцясь Дамир Фаттахов.
Мордовия Республикань Прявтонь пресс-службась