Истя, домкасто ваннозь китнень кавто покш объекттнэнь строямонь стака кевкстематне. Те малав 6 вайгельбеть - чугункань кинть ды Инсар леенть трокс путепроводонть марто Строительной курованть молиця кись (Победань куростонть саезь Гожувской куронть видьс), истя жо 4 вайгельбетнеде ламо – Рузаевкань перька кинть омбоце пельксэсь. Строямонь тевтнень кемекстазь шканть ды покшолматнень топавтоманть туртов эряви уш ней рамамс стройматериалт, 2023 иестэнть васенце очередэнь тевтнень прядоманть туртов эряви ушодомс Севастопольской куросонть сэдентень подходтнэнь, путепроводонь ды транспортонь развязкань строямонть.
Теде башка, республикасонть «Безопасные качественные дороги» нацпроектэнь топавтоманть лувсо тешкстазь контрактт тедеде китнень витнемаст коряс.
Тешкстасынек, 2022 иестэнть Мордовиясо нацпроектэнть лувсо арсеви витнемс китнень малав 205 вайгельбеть. Неть тевтнес явовить малав 4,8 млрд целковойть.
Вастовомасонть ульнесь Мордовия Республикань Правительствань Председателень Васенце Полавтыцясь Игорь Фрейдин.
Мордовия Республикань Прявтонь пресс-службась