Артём Здунов чадыковонь 17-це чистэ важодемань содавтома марто Дубенкань енкссо улемстэ ваннынзе кинь объекттнэнь строямонть. Тедеде районсонть витневить зярыя китне ды сэдесь.
Истя, «Безопасные и качественные автомобильные дороги» национальной проектэнть лувсо витнемань тевтне топавтовить кинь колмо пелькстнэсэ, конат вейсэндить Отяжбуе поселканть Дубенка веленть марто.
МР-нь Прявтонть тевтнень топавтыцясь истя жо ваннызе Орданьбуе велесэ Ахматовка леенть трокс строявиця сэденть. Ледстясынек, 2018 иень ожоковсто тесэ 50 тоннадо седе стака автомобилесь яжинзе опоратнень ды вельтявксонть.
Неень шкане ташто сэдесь яжазь, путозь од опорат. Тедеде прядсызь сэдень полотнань путоманть, теить барьерт ды пирявкс, истя жо яжасызь объездной кинть. Проектэнть питнезэ 30 миллионт целковойде ламо. Сэденть ланга ардоманть арсить нолдамс панжиковонь 25-це чиденть мейле.
Артём Здунов кармавтсь строицятненень, важодемась улезэ топавтозь пек вадрясто. "Истят объекттнэнь миненек эряви строямс вадрясто ды ламо иес. Сехте вишка ильведевксэсь вети сенес, объектэнть сави строямс одс. Истя илязо уле", - тешкстызе Артём Алексеевич.
Мордовия Республикань Прявтонть пресс-службась