Мордовиянь Прявтонь тевтнень топавтыцясь течи, таштамковонь 19-це чистэ, якась вайгелень максомо. Сон ульнесь Саранск ошонь 547№ кочкамонь участкасонть, конась панжозь Рузонь драмань театрасонть. Артём Здунов евтась сюкпря кочкамонь комиссиянь члентнэнень сынст тевдеемаст кисэ.
МР-нь Прявтонь тевтнень топавтыцясь тешкстызе, неть колмо читнестэ Мордовиянь эрицятне кочкить маласо вете иетнес минек кастомань-кепетемань лувонть.
"Мордовиясь кочки сисем бюллетеньтнень коряс. Эрьва ломанентень максовить сисем документт, ды сонензэ эряви теемс эсь кочкамонзо. Покш важодема топавтыть кочкамонь комиссиятне, покш сюкпря тенст тевдееманть кисэ", - мерсь Артём Здунов.
Сон истя жо тешкстызе, неть кавто читнень перть республикасонть явкась кармась малав 50%.