Проектэнть коряс арсеви витнемс авань консультациятнень, теемс аватнень туртов башка нупальть, истя жо явшемс «Поздравляем, вы – будущая мама!» наборт. Тосо кармить ансяк чачозь эйкакштнень туртов оршамопельть ды буклет, конасонть сермадозь аватненень пешксесэ улемстэ ды чачтомадо мейле государстванть ды аволь коммерческой организациятнень пельде явовиця лезкстэнть.
Артём Здунов кирдизе аватнень консультациятнень витнемадо меленть. Кемекстазель решения ушодомс тевтнень Саранскоень 1№ ЖК-нть ды теемс тосо сы шкань аватнень туртов невтемань нупаль.
Мордовиянь Прявтось тешкстызе, те проектэнть эряви нолдамс тевс кода республикань районтнэсэ, истя жо масторонь регионтнэсэ.
Проектэнь меельце пелькстнэ токшесызь 3 иеде седе вишкине эйкакштнень марто аватненень лездамонь енкстнэнь.
Мордовия Республикань Прявтонь пресс-службась