Ожоковонь 27-це чистэ Мордовиянь Прявтось Артём Здунов ютавтсь важодемань вастовома «БиоАгро» группань руководстванть марто. Кортамось мольсь республикасонть РФ-нь АПК-нть туртов микробиологической препараттнэнь производствань теемань коряс вейсэнь важодемадонть.
Те производствась канды покш смусть органической земледелиянь виевгавтоманть туртов, конань коряс минек масторсонть примазь башка закон. Неень шкане, специалисттнэнь ванновтост коряс, органической ярсамопелень лангс вешематнень касоманть пингстэ видевкстнэнь ванстомань биологической средстватнень масторлангонь рынкась иезэнзэ касы 15%, истя жо Россиясо. Тень мельсэ кирдезь велень хозяйстванть туртов отечественной микробиологической препараттнэнь нолдамось ашти прявт енксокс.
Мордовиянь Прявтось кармавтсь республикань Минсельхозонтень ванномс максозь проектэнть ды евтамс мельть-арсемат сонзэ топавтоманть туртов.
Мордовия Республикань Прявтонь пресс-службась