Умарьковонь 3-це чистэ Мордовиянь Прявтонь тевтнень топавтыцясь Артём Здунов Московсо ютавтсь важодемань вастовома Россиянь Федерациянь трудонь ды социальной ванстомань министранть Антон Котяков марто. Кортавсть социальной обслуживаниянь организациятнень зданиятнень педе пев витнемань, истя жо од объекттнэнь строямонь кевкстематне.
МР-нь Прявтонь тевтнень топавтыцясь ёвтась сюкпря социальной обслуживаниянь стационарной организациятнень витнеманть коряс республикантень явозь лезксэнть кисэ. 2019 иестэнть саезь Мордовиясь прими участия «Демография» нацпроектэнь «Старшее поколение» программанть анокстамосо ды топавтомасо. Истя, строязь эрямонь од корпуст Орданьбуень социальной обслуживаниянь кудосонть, Пуркаевской психоневрологической интернатсонть, Покш Березникень кудосонть-интернатсонть.
Од корпустнэнь витнемась ды строямось топавтови Саранскоень, Зубова-Полянань, Ковылкинань, Краснослободскоень ды Ицялбуень ёнкстнэсэ интернатонь типень учреждениятнесэ. Антон Котяков евтась анокчи кирдемс неть проекттнэнь.
Мордовия Республикань Прявтонь пресс-службась