Мордовиянь Прявтось Артём Здунов аштемковонь 9-це чистэ Московсо ютавтсь важодемань вастовома РФ-нь просвещениянь министрань полавтыцянть Андрей Николаев марто. Кортавсть тонавтомань организациятнень одкстомтомань кевкстематне.
Педе-пев витнемань программась - масторсонть сехте эрявикстнэстэ вейкесь, сонзэ эрязасто кирдить «Единая Россия» партиясь ды «Молодежь и дети» президентэнь нацпроектэсь.
Программанть вельде 2022-2025 иетнестэ педе-пев витнезь образованиянь 51 объект, истя жо школань 48 зданият, кавто эйдень кужот ды вейке техникум. Финансированиянь вейсэнь покшолмась кармась 4 млрд целковойтнеде седе ламо.
2026-2027 иетнес арсематнесэ - педе-пев витнемс образованиянь эште 67 объектт (школань 46 зданият, 12 эйдень кужот ды средней профессиональной образованиянь 9 учрежденият). Текень пингстэ, кода тешкстызе Мордовиянь Прявтось, педе-пев витнемань федеральной программасонть улеманть коряс эрявиксчись эште покш - одкстомтомат учить 70 ламо объектт. Вастовомасонть ваннызь неть тонавтомань организациятнень программантень совавтомань коряс арсематнень.
Мордовия Республикань Прявтонь Пресс-службась