«АТЕСИ» – кухнянь профессиональной оборудованиянь отечественной покш производительтнень ютксо вейкесь. Вастовомасонть кортасть «Медоборудование» республикань компаниянть марто вейсэ республикасонть производственной од площадкань теемань коряс вейсэнь важодемань кевкстематнеде. Од предприятиясь карми нолдамо продукция Миноборонань вешематнень туртов профессиональной кухнянть туртов. Вейсэнь проектэнь топавтоманть вельде Саранскойсэ теевить малав 150 важодемань од таркат. Продукциянь васенце промышленной партиянть арсеви нолдамс те иенть прядовомс.
Вейсэнь тевдеемань кевкстематнень кортамосо ульнесть МР-нь Правительствань Председателень полавтыцясь Батыр Эмеев, «Медоборудование» АО-нь генеральной Прявтось Дамир Курмаев, «АТЕСИ» КГ-нь коммерческой прявтось Максим Шатилов.
Мордовия Республикань Прявтонь Пресс-службась