Панжиковонь 6-це чистэ Московсо ютавтовсь Мордовия Республикань Прявтонть тевтнень топавтыцянть Артём Здуновонь ды Россиянь Правительствань Председателень полавтыцянть Татьяна Голиковань важодемань вастовомась. Тосо истя жо ульнесь Государственной Думань Мордовиянть пельде депутатось, Госдумань безопасностень ды коррупциянь а нолдамонь коряс комитетэнь председателесь Василий Пискарев. Кортавсть республикасонть шумбрачинь витемань ды тонавтомань виевгавтомань проекттнэ.
Истя, кортамось мольсь онкологиясо сэредицятнень туртов медицинань лезксэнь явоманть одкстомтомадо ды инфекционной службанть виевгавтомадо.
Тонавтомань сферасонть кортасть Саранскоень юго-западонь пелькссэнть од школанть строямодо, уроз эйкакштненень эрямо таркатнень явомадо, Светотехстройсэ коррекционной общеобразовательной школа-интернетонь строямонть прядомадонзо.
Татьяна Голикова весе кевкстематнень саинзе ванновт ало ды целанек кирдинзе Мордовия Республикань проекттнэнь.
Мордовия Республикань Прявтонть пресс-службась