«Мордовагромаш» заводось нолды велень хозяйствань прицепень машинат, сонзэ вадрясто содасызь аволь ансяк Россиясо, истя жо омбо мастортнэсэ (Казахстан, Молдова, Киргизия).
Заводонть туртов эште вейке прявт енксокс ашти автомобилень прицептнень нолдамось.
Предприятиянь генеральной прявтось Геннадий Громов евтнесь, продукциянь од видтнэнь арсемась-анокстамось ды тевс нолдамось моли свалшкане. Ютазь иенть коряс васенце кварталстонть техникань миемань касомась кармась 110%.
Неень шкане предприятиясонть важодить 250 ломанть, средней зарплатась – 40 тежат целковойть. Сварщицась Наталья Горина, конань марто кортась Мордовиянь Прявтось, 17 иеть алтась те тевентень, конась лезды андомс семиянть – авась полочи 50 тежадо ламо целковойть. «Мелят предприятиясонть зарплатань касомась кармась 129%», – мерсь заводонь прявтось.
Тешкстазель, санкциятнень шкасто предприятиятненень эряви ванстомс производствань весе рисьметнень. «Санкциятне путыть тешкс, ды прявт тевесь течи – кода полавтомс сеть комплектующейтнень, конатнень пачтить омбо масторонь производительтне», – мерсь Артём Здунов.
Республикань руководителесь Мордовиянь Правительствань Председателень васенце полавтыцянть Игорь Фрейдин марто вейсэ ваннызь производствань технологической весе рисьменть, макссть питне од партнертнэсэ «Мордовагромашонь» эрявиксчинтень, кортызь предприятиянь седе тов пештемань коряс арсематнень. Неть кевкстематнень кортамосо ульнесь Саранск ошонь округонь прявтось Игорь Асабин.
Мордовия Республикань Прявтонь пресс-службась