Чадыковонь 12-це чистэ Мордовиянь Прявтонь тевтнень топавтыцясь ульнесь «Классонь вастовомат» весероссиянь проектсэнть. Сонзэ ютавты Россиянь школасо тонавтницятнень движениясь. Республикань школасо тонавтницятне кортыть содавикс ды мельстуиця ломантнень марто. Вейкесь юткстост Артём Здунов.
Региононь руководителенть марто кортамсто ёвтазель пек мельстуиця энялдома. Саранскоень 7№ лицеень тонавтницясь Полина Шейнеман ёвтась Артём Здуновнень, РДШ-нь Мордовиянь отделениянть ули эсензэ пресс-центразо. Школасо тонавтницятне сёрмадыть статьят ды снимить видеороликть эсест тевдеемадост. Tik-Tok-со сынст аккаунтонть миллиондо ламо ванномат. Лицеисткась энялдсь Артём Здуновонь теемс экскурсия ды ладямс важодемань сюлмот Мордовия Республикань Прявтонь пресс-службанть марто.
Мордовиянь Прявтонь тевтнень топавтыцясь те меленть кирдизе. «Минь арсетянок мезеяк мельстуиця. Минь ютавтанок ламо вастовомат мельстуиця ломантнень марто. Весень тень мереви снимамс ды невтемс», - мерсь Артём Алексеевич.
Мордовия Республикань Прявтонь пресс-службань руководителесь Елена Башкирцева алтась маласо шкастонть содавтомс ушодыця корреспонденттнэнь губернаторонть тевдеемадонзо ёвтниця журналисттнэнь важодемаст марто.
Мордовия Республикань Прявтонть пресс-службась