Артём Здунов: «Мордовиясо маласо шкастонть улезэ теезь ТКО-нь пурнамонь ды переработкань комплексной система»

Артём Здунов: «Мордовиясо маласо шкастонть улезэ теезь ТКО-нь пурнамонь ды переработкань комплексной система»

Мордовиянь Прявтонь тевтнень топавтыцясь Артём Здунов якшамковонь 19-це чистэ ютавтсь промкс коммунальной оходтнэнь марто важодемань кевкстематнень коряс, тосо ульнесть «Ремондис» ООО-нь представительтне. Кортамось мольсь регионсонть отходтнэнь переработкань объекттнэнь строямонть коряс.

Республикань Прявтонь тевтнень топавтыцясь тешкстызе: «Мордовиясь – «Экология» нацпроектэнь «Комплексная система обращения с отходами» федеральной проектэнь участник. Саранскойсэ ТКО-нь обработкань комплексной объектэнь строямось лезды покшолгавтомс регионсонть утилизациянь уровнянть». Артём Здунов кармавтсь теемс важодемань группа, ков региононь праивтельствань министерствань важодицятнеде башка совить региононь операторонь ды «Российский экологический оператор» ППК-нь представительтне, эксперттнэ ды специалисттнэ, истя жо масторлангонь уровнянь. Группань васенце промксось ВКС-нь лувсо ютавтови маласо шкастонть.

Кортамось истя жо мольсь отходтнэнь башка-башка пурнамонь коряс седе тов важодемадонть. Баша пурназь отходтнэ пачтявить вторичной переработкас шабра регионтнэс – Пензав, Н. Новгородов, истя жо Калугань ды Московонь областнес. Россиянь Гринписэнь невтевкстнэнь коряс, 2017 иестэнть Саранскоесь лиссь васенце таркас калгодо бытовой отходтнэнь башка-башка пурнамонь инфраструктурань доступностенть коряс. 2019 иестэнть башка-башка пурназь вторичной сырьянь 1747 тоннат, истя жо макулатурань 1647 тоннат, пластикень 100 тоннат. Те ёнкссонть эряви торавтомс эштё покш важодема, истя жо толковамонь. «Специалисттнэ кортыть, шукшонь сортировкань заводонть мереви строямс 1,5 иес, а ванан отходтнэнь марто обращениянь культуранть обществасо кемекстамс – эрявить, паряк, 15 иеть», - мерсь Артём Здунов.

Тешкстазель, прявт тевекс кадови шукшонь башка-башка пурнамонь коряс Саранскоень вадря практиканть республикань келес сравтомадонзо. Кортамось истя жо мольсь Мордовиянь весе районтнэнь эрицятнень туртов ТБО-нь усксемань коряс услугань доступностень кевкстемадонть. Мордовиянь Прявтонь тевтнень топавтыцясь кармавтсь ванномс, зяро контейнерт тень туртов эрявить. Ёвтазель эштё вейке арсема – путомс Саранскойсэ фандоматт – пластикень бутылкань ды алюминиень банкань примамонь роботизированной пункт.

Мордовия Республикань Прявтонть пресс-службась