Аштемковонь 9-це чистэ Мордовия Республикань Прявтонь тевтнень топавтыцясь Артём Здунов ульнесь региононь васенце «Точка кипениянь» панжомасо, кона ашти Н.П. Огарёв лемсэ МГУ-со. Панжомадо мейле ютась «Университет как драйвер регионального развития» теманть коряс пленарной кортамо. Стратегической инициативань Агентствань важодицятне ды университетэнь наукань вейсэндявксось кортызь государстванть ды образованиянть вейсэнь важодемань кевкстематнень.
«Точка кипения» - коллективной важодемань тарка, косо ютыть тонавтомань ды дискуссионной вастовомат. Саранскойсэ сон ашти зярыя эрьва кодамо таркасто: те коворкинг-центра, кортамонь нупаль ды лекторий. Весе мазылгавтозь неень шкань лувсо, эрьва аудиториянть ули М.М. Бахтинэнь творчествасто прявт енкстнэстэ лемезэ. Стенатнесэ улить содавикс учёноенть валонзо.
Артём Здунов тешкстызе, истямо тарка эряви, тесэ вейсэ арсевить-теевить од проектт. «Те аволь ансяк коллективной ды вейсэнь важодема. «Точка кипениясь» карми икелев молицякс сестэ, зярдо тесэ карми бизнес. Минь ладятано вейсэнь важодема образованиять ды промышленностенть марто, сестэ алкукс кармить изнявкст», - тешкстызе МР-нь Прявтонь тевтнень топавтыцясь.
Региононь Прявтонть содавтызь «Точка кипениянь» аудиториятнень марто, теде мейле Н.П.Огарев лемсэ МГУ-нь культурань ды искусствань кудосо ютась «Университет как драйвер регионального развития» пленарной кортамо. Видеосвязень вельде пурнавозтнень туртов пшкадсь цифровой ды технологической развитиянь коряс РФ-нь Президентэнь специальной представителесь Дмитрий Песков. Сон ёвтась лембе валт «Точка кипениянь» панжомань кувалма ды ёвтызе мелензэ кода виевгавтомс сонзэ важодеманть.
Мордовия Республикань Прявтонь Пресс-службась