Мордовиянь Прявтонь тевтнень топавтыцясь Артём Здунов якшамковонь 21-це чистэ ютавтсь промкс Саранскоень телевизионной заводонть важодемань кевкстематнень коряс. Кортамось мольсь 2020 иестэ предприятиянть важодемадонзо ды те иентень арсематнеде.
Тешкстазель, мелят гособоронзаказонть киртямонзо кувалма аламолгадсть производствань ды продукциянь миемань покшолматне. Тень кувалма предприятиянть туртов прявт тевекс ашти гражданской назначениянь теевкстнэнь нолдамонть покшолгавтомась.
Республикань Прявтонь тевтнень топавтыцясь тешкстызе: «Од ёнкстнэнь виевгавтомась лезды пештемс предприятиянть важодемань свалшкань покшолмасо, вадрялгавтомс финансонь невтевкстнэнь ды кастомс зарплататнень».
Промксонть лувсо ваннозельть инвестициянь од проекттнэнь топавтомань кевкстематне. Кортамось мольсь телекоммуникациянь оборудованиянь туртов печатамонь плататнень нолдамонь коряс производстванть панжомадонзо. Артём Здунов кармавтсь ванномс Промышленностень виевгавтомань федеральной фондонть вельде те проектэнтень лездамонь кевкстеманть.
Мордовия Республикань Прявтонть пресс-службась