Дубенкань енкссо важодемань коряс улемстэ школантень сакшнось Мордовиянь Прявтось Артём Здунов. Региононь руководителесь башка тешкстызе коллективень важодеманть велесэ чачозетнень коряс ледстнематнень ванстомань, чачома енксонтень вечкеманть вельде эйкакштнень тонавтомань-превс путомань коряс. Тесэ аволь стяко теезь эрзянь-мокшонь культурань ды велень историянь музеесь. Школасонть ванстыть ледстнематнень весе прядыцятнеде, земляктнеде, конат невтизь пряст военной аладямотнесэ, специальной военной операциясонть. 2020 иестэ тонавтомань учреждениянтень теевема чистэнть саезь топодсть 150 иеть.
«Ульнинь ламот школатнесэ, ансяк истямо костояк эзинь нее! Те вадря кой», – кирдизе коллективенть республикань руководителесь.
Школасонть путозь стольть теннисэ налксеманть туртов, эрьванть лангсо ветявсь налксема. Школань прявтось Сергей Биушкин толковизе: тонавтницятне кемекстыть ерокчист – ютавтови школань турнир. Зярыя иетнеде икеле школань командась сайсь колмоце тарка весероссиянь пелькстамотнесэ. Ней таго – переменатнестэ эйкакштне налксить.
Школань столовойсэнть эйкакштне ярсасть – тесэ андыть аволь ансяк лезэвстэ, истя жо тантейстэ. Школань спортонь залось истя жо одкстомтозь – помещениясь ды инвентаресь.
ОБЖ-нь кабинетэсь чаволь – перемена. Артём Здуновнень евтнесть, эйкакштне тонавтнить явомо васенце лезкс, ютавтовить тренировкат внештатной тевтнень лисемстэ безопасностенть коряс. Школасонть улить кадеттнэнь ды МЧС-нь класст.
Мордовия Республикань Прявтонь Пресс-службась