Мордовиянь Прявтонь тевтнень топавтыцясь Артём Здунов якшамковонь 18-це чистэ ютавтсь промкс «Проверенный бизнес» проектэнть республикасонть нолдамонь кевкстематнень коряс. Те проектэнть лувсо предпринимательтненень онлайн-режимсэ питневтеме максовить эксперттнэнь консультацият надзоронь органтнэнь марто вейсэнь важодемань кевкстематнень коряс. Проектэнть смустезэ – теемс условият, конат лездыть ветямс бизнесэнть административной аэрявикс лепштявомавтомо, истя жо киртявить коламотне сеть сфератнесэ, конатнень мельга ванны государствась: налогонь, санитарной, потребительской, пожарной, трудовой, ЖКХ, экологической.
Ледстясынек, «Сильные идеи для нового времени» форумсонть те проектэсь кочказь социально-экономической виевгавтомань сехте практикатнестэ вейкекс ды невтезь Россиянь Президентэнтень Владимир Путиннэнь, конась тешкстызе сонзэ эрявиксчинть.
Мордовия Республикань Прявтонть пресс-службась