Мордовиянь Вирень, охотничьей хозяйствань ды природопользованиянь министранть Алексей Ларькинэнь пачтямонзо коряс, иенть ушодовомс республикасонть тешкстазь мода алдо сюпавчинь улемань 129 таркат. Течинь чинтень максозь 62 лицензият мода алдо сюпавчинь таргамонть лангс ды 3 – геологической разведкатнень ютавтоманть коряс.
Артём Здунов тешкстызе, эряви ванномс неть тевтнень: «Косо таргамось моли аволь легальна. Ульнесть истят тевть, зярдо мода алдо сюпавчинь таргамось ветявсь велень хозяйствань модатнень лангсо, текень пингстэ тень кисэ пандомась эзь пачтяво а республикань, а муниципальной бюджеттнэс. Истямо илязо уле. Прявт кевкстемась – кевень-човаронь таргамонь таркатнень пшти учетось ды лезэвстэ тевс нолдамось».
Мордовиянь Прявтось тешкстызе, прявт тевесь – региононть строямонь коряс покш бажамотнень-арсематнень строямонь эрявикс материалтнэсэ пештемась. «Минь топавтано нацпроекттнэнь – тень туртов эрявить строямонь материалт ды сынст свалшкань пачтямось. Кевень-човаронь таргамонь весе таркатнень эряви саемс учетс ды улезэ меремань (разрешительной) эрявикс документациясь раськень хозяйствань лезэс сонзэ тевс нолдамонть туртов».
Мордовия Республикань Прявтонь пресс-службась