Пелькстамотнень участникекс кармасть Белгородской, Кировской, Нижегородской, Оренбургской, Пензенской ды Ульяновской областтнестэ, Марий Эл, Татарстан, Чувашия ды, нама, Мордовия республикатнестэ Россиянь МЧС-нь Главной управлениятнень командатне. Личной зачетсонть пелькстыть Пермень енкссто, Ивановской, Тверской ды Тюменской областтнестэ спортсментнэ.
Весемезэ пелькстыть малав сядо спортсмент. Сынст ютксо Россиянь национальной сборноентень совицятне, кода весероссиянь, истя жо Раськеютконь пелькстамотнень ламоксть изницятне ды призертнэ. Командатнесэ Россиянь спортонь 24 мастерт ды масторонь спортонь мастерс 19 кандидатт.
Пелькстамотнень участниктненень пшкадемстэ, Артём Здунов тешкстызе: «Толонь мадстемань-идемань спортось – спортонь сехте прикладной вид, сон моли эрямосто, службасто. Весе упражнениятнень, весе элементтнэнь специалисттнэ нолдыть тевс. Сюкпря Россиянь МЧС-нтень ды весенень тыненк минек республикав самонть кисэ. Минь кенярдтано тыненк. Арсян участниктненень уцяска, виде судейства, ды кадык изни виевесь!»
Россиянь МЧС-нь Кадровой политикань департаментэнь прявтось Лев Трусов тешкстызе: региононь руководствась яви покш мель толонь мадстемань-идемань спортонь виевгавтомантень. «Спортось – те аволь ансяк пелькстамо, истя жо вадря физической форма, возможность панжомс эсь потенциалонть, невтемс виде бороцямосо обуцянть, кемекстамс ойме виенть ды эсь вийтнес кемеманть», – мерсь сон.
Россиянь МЧС-нь Физической анокстамонь ды спортонь куншкакуронь прявтось Сергей Егоров тешкстызе, истят пелькстамотнень ютавтомась – Россиянь МЧС-нь сотрудниктнень анокстамонь профессиональной уровнянь саемань сехте лезэв лув, ерокчись ды сехте стака шкатнестэ лездамо самонь анокчись – сеть енкстнэ, конат кандовить пелькстамотнень участниктненень.
Тешкстасынек, республикасонть толонь мадстемань-идемань спортонь эряза виевгавтомась моли Мордовиянь Прявтонть Артём Здуновонь лезксэнзэ вельде. Региононь прявтошсонть свалшкане ютавтовить эрьва кодамо уровнянь пелькстамот, истя жо раськеютконь турнирт. Тосо уш путозь масторонь колмо рекордт ды Россиянь 11 рекордт, кототне юткстост апак икельдя. МР-ва Россиянь МЧС-нь Главной управлениянть юрсо важодить эйкакшонь секцият толонь мадстемань-идемань спортонть коряс.
Почетонь инжетне истя жо ютавтызь «Полоса препятствий» дисциплинасонть аватнень ды цератнень ютксо изницятнень ды призертнэнь каземань церемониянть.
Мордовия Республикань Прявтонь пресс-службась