Мордовиянь Прявтонь тевтнень топавтыцясь Артём Здунов даволковонь 22-це чистэ ульнесь телень мотокроссонь коряс пелькстамотнень панжомасо, конат алтазельть Тиринь масторонь ванстыцянь чинтень. Сынь ютавтовсть Рузаевкань ёнкссо. Ветявить уш омобоце ие, пелькстыцятнень ютксо – Мордовия Республикань, Самарань, Рязанень, Саратовань, Ульяновскоень, Пензань, Тамбовонь, Нижегородской областтнень мотогонщиктне.
Артём Здунов шумбракстнень спортсменттнэнь ды ваныцятнень марто, кить те якшамо чистэнть састь телень трассантень, спортонь те кенярксчинтень.
«Те спортонь пек мазый вид, виде, неть пелькстамотне ютавтовить Европань чемпионатонь мотогонщикенть Андрей Гаврилкинэнь ледстнемга, - мерсь Артём Алексеевич. – Мельспаро, пелькстамотнес сакшынть лия регионтнэстэ, пек ламо участникть – сехте вишкине мотогонщикентень Артём Калинкиннэнь вете иеть!»
Од спортсменэнтень республикань руководителенть пельде казевсь шлем.
Мордовиянь Прявтонь тевтнень топавтыцясь макссь ушодкс пелькстамотненень, мейле вансь сехте вишкине участниктнень невтемаст лангс, истя жо сехте виев байкатнесэ опытной мотогонщиктнень показательной невтемаст лангс. «Пелькстамотне пек виевть!» - кеняркс марто тешкстызе Артём Здунов.
Мордовия Республикань Прявтонть пресс-службась