Темниковань ёнкссо улемстэ Мордовиянь Прявтонь тевтнень топавтыцясь Артём Здунов якась Санаксаронь цёрань монастырентень, конась теезь 1659 иестэ, тесэ калмазь ине флотоводецэсь Федор Ушаков, тедеде топодить 20 иеть сонзэ канонизациянь чистэнть.
Санаксаронь монастыресь Россиянь духовной куншкакуротнестэ вейкесь, тей сакшныть паломникть масторонь весе ёнкстнэстэ иневанькс праведной воинэнтень Федор Ушаковнень сюконямо. Служамонь иетнень перть Ушаков эзь изняво вейкеяк тюремасо, сонзэ прявтсо вейкеяк иневеньчесь эзь севкшнэ, вейкеяк морякось эзь понгоне полонс. Адмиралонь чинэнть Федор Ушаковнень максызь 1799 иестэ, зярдо сон саизе Корфу крепостенть ды олякстомтызе французтнэнь эйстэ Ионической усиянть.
Темниковав адмиралось сась отставкав туемадо мейле ды эрясь тесэ меельце чизэнзэ. Ушаков сеедьстэ яксесь Санаксаронь обителентень, козонь калмазельгак.
Артём Здунов сюконясь иневанькс праведной воинэнть Феодор Ушаковонь мощатнень ды якась калмонзо лангс.
Мордовия Республикань Прявтонть пресс-службась