Чадыковонь 1-це чистэ Республикань Кудосонть Мордовиянь Прявтонь тевтнень топавтыцясь Артём Здунов ютавтсь важодемань вастовома Стратегической инициативатнень агентстванть представительтнень марто. Кортамось мольсь масторонь сехте вадря социально-экономической практикатнень республикасонть тевс нолдамодост.
Артём Здунов тешкстызе, Стратегической инициативатнень агентствась – республиканть умонь ды кемевикс партнёрозо. Маласо шкастонть учови АСИ-нь руководстванть регионов самозо, секскак эряви тешкстамс вейсэнь важодемань ёнкстнэнь. «Монь ды коллегатнень арсемаст истямо: весементь, мезе карми тееме Стратегической инициативатнень агентствась, карматанок топавтомо республикасонть весе ёнкстнэнь коряс. Минь явтанок мель инвестициянь климатонть, национальной социальной ушодкстнэнь, кадратнень профессиональной анокстамонь ламот ёнкстнэнь лангс. Те прявтось, ансяк минь чарькодтянок, а эрявикс ёнкст Агентствасонть а эрсить», - мерсь Артём Алексеевич.
Стратегической инициативатнень агентстванть продуктонь коряс прявтось Илья Мамыкин тешкстызе, эксперттнэ нежедить сеть ёнкстнэнь лангс, конатнень тешкстынзе Артём Здунов. «Минек тевенек – чарькодемс сеть ёнкстнэнь, косо эряви вешнемс проектт ды опыт. Минь бажатанок анокстамс сынст маласо шкастонть, агентстванть ды республиканть ютксо вейсэнь важодеманть коряс «дорожной картань» топавтомантень сынст совавтомга», - мерсь Мамыкин.
Агентствань отраслянь эксперттнэ недлянть прядовомс анокстыть мельть-арсемат эрьва ёнксонть коряс, истя жо кадрань обеспечениянть, ошонь средань виевгавтоманть, туризманть, тонавтоматнь ды бизнесэнь ветямонть коряс.
Мордовия Республикань Прявтонть пресс-службась