Мордовиянь Прявтось Артём Здунов даволковонь 12-це чистэ ульнесь Темниковань енксонь депутаттнэнь советэнь сессиясонть.
Кода тешкстызе муниципальной образованиянь прявтось Олег Родайкин, прявт тевекс ашти СВО-нь боецтнэнень лездамось. Районось важоди эрязасто - вейсэнь вийсэ кучозь 114 тоннадо седе ламо гуманитарной 46 конвойть.
Социально-экономической тевтне районсонть свалшкань – касомань лувось ванстозь малав весе сектортнэсэ. Весе аравтлувтнень топавтозь.
2025 иестэ инвестициятнень покшолмась кармась 170 млн целковойть, сынст эйстэ 125 млн целковойтне - покш ды средней предприятиятнень прявт капиталс путовкстнэ. Вете иетнень перть инвестициятнень вейсэнь покшолмась кармась 1,5 миллиардт целковойть.
Эрямо таркатнень строямось ды вадрялгавтомась истя жо моли эрязасто. Каладозь кудотнестэ одс эрицятнень ютавтомань программанть коряс строязь ламо квартирань сисем кудот, 75 семиятненень максозь од эрямо таркат. Моли важодема уроз-эйкакштненень эрямо таркатнень максоманть коряскак.
Покш вийть путозь инфраструктурань одкстомтомантень. «Безопасные и качественные дороги» нацпроектэнть коряс витнезь Лесное Ардашево веленть видьс кись, сонзэ кувалмозо 10,5 вайгельбеть. Вете иетнень перть педе-пев одкстомтозь китнень 17 пелькст.
2026 иентень арсематнесэ - Темников-Саров паломникень кластерэнь виевгавтоманть лувсо 21 вайгельбень кувалмосо од кинь строямось. Истя жо 2025 иестэ ютавтозь важодема ниле велетнес газонь ветямонть коряс.
Общественной таркатнень вадрялгавтомась поладови «Формирование современной комфортной городской среды» проектэнть лувсо. Вете иетнень перть одкстомтозь вете таркат вейсэнь питнесэ 151 млн целковойть.
Прявт ёнкстнэстэ вейкесь - туризмась. Районсонть улить туристэнь 10 маршрутт, Темниковань эрицятнень каштанчись - «По стопам великих» маршрутось, тосо улить неень шкань стереоскопт, навигация ды кулянь максомань стендт.
Вадря проекттнэстэ вейкекс кармась Ленинэнь куронть вадрялгавтомась-мазылгавтомась, конантень 2024 иестэ явозь 70 млн целковойтнень покшолмасо грант. Курось вейсэндинзе одкстомтозь парктнень ошонь куншкакуронть марто.
Мордовиянь Прявтось Артём Здунов тешкстызе: эряви кастомс ули-паронь объекттнэнь инвентаризациянь лувтнень, кирдемс ванновт ало социально-экономической виевгавтомань невтевкстнэнь топавтоманть ды бажамс седе покш невтевкстнэс - райононть потенциалозо покш.
«Тедеде «Инфраструктура для жизни» нацпроектэнть коряс арсеви строямс Ташто Ош – Вещерка кинть. Прявт проектэсь вейсэндясы Мордовиянь ды Нижегородской областень иневанькс таркатнень, - тешкстызе республикань Прявтось. - Вадрялгавтано таркатнень - тедеде арсеви теемс Темниковасо Мокша леень чиренть. Тонавтнемань иентень одкстомтови Советской Союзонь Героенть А.И. Семиковонь лемсэ Темниковань школась, «Семья» нацпроектэнть коряс инструментт рамавить эйкакшонь искусствань школантень, путтано ФАП-т, амбулаторият. Башка ванновт ало - ЖКХ-нь кевкстематне, ведень вадрячись: карматано яволявтомо федеральной проекттнэс».
Мордовия Республикань Прявтонь Пресс-службась