Мордовия Республикасо интеллектуальной ули-паронь виевгавтомантень лездамодо колмо енксонь вейсладямонть алов кедьчелькест путызь: Россиянь Федерациянь Экономической виевгавтомань министрань полавтыцясь Владислав Федулов, Интеллектуальной ули-паронь коряс федеральной службань Руководителесь Юрий Зубов ды Мордовиянь Прявтось Артём Здунов.
«Седе ламо субъектт явить мель те енксонь виевгавтомантень. Колмо енксонь вейсладямонть тешкстамось лезды регионсонть виевгавтомс инновациятнень, кастомс интеллектуальной ули-паронь марто важодемань культуранть. Роспатентэсь, эсензэ пельде, лезды виевгавтомс тесэнь специалисттнэнь ерокчист», – тешкстызе Владислав Федулов.
«Истямо вейсэнь важодемась пек эряви минек региононть туртов, сонзэ вельде миненек мереви тевс нолдамс весе инструменттнэнь, конат улить Минэкономразвитиясонть ды Роспатентсэнть. Мордовиясь седе товгак анок важодемс эрязасто, минь аноктано улемс варчамонь регионокс интеллектуальной ули-паронь коряс прявт мельтнень-арсематнень ды ушодкстнэнь топавтомасо», – мерсь Мордовиянь Прявтось Артём Здунов.
Россиянь научно-технической енкссонть экономикань, политикань ды правань научно-исследовательской институтонть ды Мордовия Республиканть ютксо интеллектуальной ули-паронь коряс вейсэнь важодемадо вейсладямонть алов кедьчелькест путызь институтонь руководителесь Ирина Ильина ды Артём Здунов.
Мордовия Республикань Прявтонь пресс-службась