«Тешкстаса, 2010 иень ды 2021 иень пертьпельксэнь паломатне аволь весть кандсть алкуксонь тандавкс неть объекттнэнень. Тень лангс апак вано, течинь чине кирвазематнень шкатнестэ Мордовиянь государственной пертьпельксэнь заповедникстэнть ландшафтной паломатнень ютамонь возможностесь ванстови», - тешкстызе Александр Куренков.
Меельце 15 иетнень перть Мордовиянь заповедниксэнть кирвазематнень коряс сехте стакат тевтне ульнесть 2021 иень умарьковсто: пертьпельксэнь паломатнень кавто покш толонть эйстэ зыянс понгсь заповедникень колмоце пельксэсь, токизе Саровонь тарканть. Толонь зыянонть покшолгавтыть торфонь чеядавкстнэ. Сынст покшолмаст заповедниксэнть колмо тёжадо ламо гектарт. Текень пингстэ пертьпельксэнь башка ванстовиця тарканть арасть эрявикс чеядавксонь ды лия эрьва кува ютавиця техниканзо, штобу куроксто редямс паломатнень ды пачтямс вийтнень ды средстватнень паломань таркантень.
Кода тешкстызь промксонтень пурнавозетне, заповедникень вирьтнень кирвазематнень а нолдамонь, истя жо маласо таркатнень, ков сови Саров ошоськак, кирвазематнень а нолдамонь кевкстематне кадовить апак вите.
Мордовиянь Прявтось Артём Здунов промкссонть ёвтась мельть-арсемат профилактикань башка тевтнень кемекстамонть коряс, конат лездыть топавтомс лисиця тандавкстнэнь редямонь оперативной лувонть.
Кортамонть лувсо ваннозь управленческой зярыя решеният, конат седе тов лездыть киртямс ландшафтной паломатнень ютамонть.
Мордовия Республикань Прявтонь Пресс-службась