Чадыковонь 3-це чистэ Мордовиянь Прявтонь тевтнень топавтыцясь Артём Здунов ульнесь республикань экономикань, микшнемань ды предпринимательствань министерствань коллегиясонть. Мероприятиясь ютавтовсь од лувсо – кортамонь-пелькстамонь, конасонть ульнесть покш инжеть – Стратегической инициативатнень агентствань прявтось Светлана Чупшева ды РФ-нь Президентэнть цифровой ды технологической виевгавтомань кевкстематнень коряс спецпредставителесь Дмитрий Песков. ВКС-нть лувсо кортамонтень вейсэндявсь ВЭБ.РФ госкорпорациянь председателень полавтыцясь Ирина Макиева.
Коллегиянтень пурнавозетненень пшкадсь Мордовиянь Прявтонь тевтнень топавтыцясь. «Течи залонтень пурнавсть покш производственникть, ученойть, общественной деятельть, - тешкстызе Артём Здунов. – Ды те пек эрявикс – миненек эряви чарькодемс, кодат ней тевтне республикасонть, кодамо минек инфраструктурась, кода минь ветятанок сонзэ, кодат доходт пачтявить бюджетс, кода лезэвстэ сынь нолдавить тевс, производствань кодат вийть улить, мезенть вельде карматанок кастомо производствань потенциалонть».
Мордовиянь Прявтонь тевтнень топавтыцясь ёвтась сюкпря Стратегической инициативатнень Агентствань руководствантень – федеральной эксперттнэнь командась зярыя чинь перть ваннось-тонавтнесь республикасонть вейсэнь тевдеемань ёнкстнэнь. АСИ-нь руководителесь Светлана Чупшева тешкстызе, регионсонть эряви виевгавтомс инфраструктуранть ды од ломантнень кадрань потенциалонть, студенттнэнь эйстэ саезь – тень вельде удалы тердемс региононтень покш инвесторт.
Покш технологиятнень отраслянь виевгавтоманть лангс мель явсь РФ-нь Президентэнть цифровой ды технологической виевгавтомань кевкстематнень коряс спецпредставителесь Дмитрий Песков. Аволь покш IT-компаниятне, конат важодить покш рынкатнень марто – сы шкань прявт налксицят, конат анокт максомс вадря зарплата марто важодемань таркат ды киртямс покш оштнес од ломантнень туеманть. Неть компаниятнень виевгавтоманть туртов эряви инфраструктура: коворкинг-центрат, офисэнь нупальть ды, нама, покш скоростень Интернет. Вейке таркасто весе масторлангонть марто ве ёндонь важодемась те уш аволь од ёнкс, те неень шканть вешемазо.
Экономиканть виевгавтомань прявт ёнкстнэстэ вейкекс ёвтазь инвестициятнень вешнемась ды предприятиятненень од проекттнэнь максомась. Теде кортась ВЭБ.РФ госкорпорациянь председателень полавтыцясь Ирина Макиева. Сон тешкстызе, ней аволь покш оштнень виевгавтомаст коряс карми важодеме ВЭБ.РФ, тевдеемась ветяви ошонь экономикань 14 ёнкстнэнь коряс, ков совить ЖКХ-сь, шумбрачинь ванстомась, тонавтомась, общественной тарнспортось, инжень вастомань индустриясь. Икеле иетнестэ вишка оштнень виевгавтомань фондось республиканть марто топавтсь инвестициянь зярыя проектт: Рузаевкасо «Рузово» ды Кадошкинасо «Мир цветов» предприятиятнень марто. Те 70 важодемань од таркат ды 400 миллионт целковойть инвестицият. «Кеман, сы шкастонть минек республиканть марто учить ламо од инвестпроектт, минь аноктанок лездамс тенк!» - тешкстызе Макиева.
МР-нь экономикань, микшнемань ды предпринимательствань министрань тевтнень топавтыцясь Алексей Грибанов эсензэ кортамосонзо ёвтынзе ютазь иестэнть отраслянь важодемань невтевкстнэнь. «А эряви кортамс, буто пандемиясь ютась минек вакска – невтевкстнэ, конат кортыть регионсонть экономикань тевтнеде, ладить 2019 иентень, сынст коряс Мордовиясь 61-це таркасо Россиясо ды 11-цесэ - ПФО-нть», - мерсь сон. Тешкстызе, улить вадря невтевксткак – агропромышленной секторось прядызе иень 6 процентэнь касоманть марто, промышленной производствасо касомась кармась 102,4 процентт, строямонь тевтнень покшолматне кассть 9 процентс.
Министрась истя жо ёвтнесь важодемадонть, конась топавтозь вейсэ АСИ-нть марто «сэредстиця таркатнень» редямост коряс, конат мешить теемс виев эскелькс региононь экономикань шумбралгавтоманть коряс. Те прявт тевенть витемань ёнкстнэде кортастькак коллегиясонть, промышленниктне ды предпринимательтне макссть талновтыця кевкстемат ды ёвтызь мелест-арсемаст отраслянь одкстомтоманть коряс.
Мордовия Республикань Прявтонть пресс-службась
МР-нь экономикань, микшнемань ды предпринимательствань министрань тевтнень топавтыцясь Алексей Грибанов эсензэ кортамосонзо ёвтынзе ютазь иестэнть отраслянь важодемань невтевкстнэнь. «А эряви кортамс, буто пандемиясь ютась минек вакска – невтевкстнэ, конат кортыть регионсонть экономикань тевтнеде, ладить 2019 иентень, сынст коряс Мордовиясь 61-це таркасо Россиясо ды 11-цесэ - ПФО-нть», - мерсь сон. Тешкстызе, улить вадря невтевксткак – агропромышленной секторось прядызе иень 6 процентэнь касоманть марто, промышленной производствасо касомась кармась 102,4 процентт, строямонь тевтнень покшолматне кассть 9 процентс.
Министрась истя жо ёвтнесь важодемадонть, конась топавтозь вейсэ АСИ-нть марто «сэредстиця таркатнень» редямост коряс, конат мешить теемс виев эскелькс региононь экономикань шумбралгавтоманть коряс. Те прявт тевенть витемань ёнкстнэде кортастькак коллегиясонть, промышленниктне ды предпринимательтне макссть талновтыця кевкстемат ды ёвтызь мелест-арсемаст отраслянь одкстомтоманть коряс.
Мордовия Республикань Прявтонть пресс-службась