Государствань Прявтось яволявтызе присяганть, конась кемекстазь РФ-нь Конституциясонть, мейле пшкадсь церемониянь инжетненень ды масторонь весе эрицятненень. Владимир Путин тешкстызе, эйзюрковсто ютавтозь Президентэнь кочкамотнестэ Россиянь эрицятне кемекстызь масторонь курсонь видечинть.
Сон евтась сюкпря кирдеманть кисэ весе регионтнэнь эрицятненень. «Кемевтядызь, седе товгак Россиянь эрицятнень мельтне-ванновтне, сэтьмечись кармить монь туртов васенце таркасо», – тешкстызе Президентэсь.
Россиянь прявт тевекс государствань прявтось евтызе эрицятнень ванстоманть, истя жо пингень питнейчитнень ды койтнень-кирдатнень ванстоманть.
Инаугурациянь эсь кортамонть Владимир Путин прядызе Россиянь изнямодо валтнэсэ.
«Минь – вейкине ды ине народ. Ды вейсэ печтясынек весе пирявтнэнь, совавтсынек эрямос весе арсезенть. Вейсэ – изнятано!»
Мордовия Республикань Прявтонь пресс-службась
Фотось: Kremlin.ru