Середасто, эйзюрковонь 24-це чистэ, Мордовиянь Прявтонь тевтнень топавтыцясь Артём Здунов ваннынзе «Саранский» Ликеро-водочной заводонть производствань площадкатнень. Региононь руководителентень невтизь производстванть, предприятиянь музеенть, истя жо логистикань од куншкакуронть ды складонть, конань покшолмазо 10 тёжат кавонзазь метрат, сон панжозь 2020 иестэнть.

Артём Здуновнень ёвтнесть, логистикань куншкакуронть вельде отгрузкась ливтеви покш таркас, косо мереви сеске груздямс 20 машинат. Тесэ теезь автоматизированной система. «МордовАлкоПром» ООО-нь генеральной прявтонть Евгений Сидоровонь валонзо коряс, анокстазь проект вейкине марка ало республикань розничной микшнемань сетень тееманть туртов автоматизированной логистикань од куншкакуронть тевс нолдамонзо коряс. «Минь арсетянок максомс те площадканть минек, Мордовиянь продуктатнень производительтненень, истя жо фермерэнь хозяйстватненень, частной предпринимательтненень», - мерсь компаниянь руководителесь. Артём Здунов мерсь, республикасонть икелень потребкооперациянь сетесь ней арась, те тарканть эряви саемс. Проектэнть кармавтозь анокстамс МР-нь экономикань, микшнемань ды предпринимательствань министрань тевтнень топавтыцянтень Алексей Грибановнень.

Вастовомасонть весе промышленниктнень ды предпринимательтнень пельде, кинь объектэст аштить Северной тупиксэ, республикань руководителентень ёвтазель энялдома – лездамс те таркантень транспортонь инфраструктурань теемасонть. Кортамось моли 2-це Промышленной куростонть саезь ошонь Северной обходонть видьс кинть теемадонзо. Республикань руководителесь те стакачиденть соды. «Карматанок вешнеме финансирования ды строямо», - мерсь Артём Алексеевич.

Мордовия Республикань Прявтонть пресс-службась