Медьковонь 22-це чистэ Мордовиянь Прявтонь тевтнень топавтыцясь Артём Здунов вастневсь республикань ёроков эйкакшонь лицеень касомань-кепетемань коряс прявтонь полавтыцянть, научной руководителенть, РФ-нь высшей школань заслуженной важодицянть, Мордовия Республикань Народной тонавтыцянть Дмитрий Подлесный марто. Кортызь республикасо олимпиадань движениянь виевгавтомань кевкстематнень, лицеень важодеманть региононь лия тонавтома таркасо опытэнть саемадо, невтемга, дополнительной образованиянь учреждениятнесэ, покш профессиональной педагогической кадрань анокстамодо. Истя жо кортамось мольсь лицеень юрсо республикань кизэнь тонавтомань таркань панжомадо – сон алтави Мордовиянь ёроков весе эйкакштнень туртов.
Тешкстазель, ёроков эйкакшонь республикань лицеесь панжомстонзо саезь (2010) свал сови Россиянь сехте вадря школатнень юткс, истя жо сови сонзэ прядыцятнень конкурентоспособностень коряс ТОП-10 школатнес. Маласо шкантень икелест истят вешемат – максомс ёроков эйкакшонь анокстамонь системантень од импульс, ливтемс региононь школань образованиянть седе покш тёкшос.
Мордовия Республикань Прявтонь Пресс-службась