Чадыковонь 17-це чистэ важодемань содавтома марто улемстэ, Артём Здунов ваннызе, кода Дубенкань райононь центрасонть моли общественной од тарканть строямось. Те тевенть ушодызь «Жильё и городская среда» национальной проектэнть лувсо. Тесэ вадрялгавтсызь-мазылгавтсызь прявт площадканть, ацыть брусчатка, озавтыть газон ды цецят. Эрицятнень ды инжетнень оймсемаст туртов путыть эрьва кодат эземть ды нурьсемат покштнень туртов. Эйкакштнень туртов путыть карусельть ды налксемань площадка. Важодемась прядови те иень умарьковонь 1-це чинтень.
Те тарканть маласо ашти микшнемань комплекс. Артём Здунов тешкстызе, зданиянть ушо ёнксось аволь мазый. "Тесэ карми оймсемань тарка. Истямо мазычи теить! А ломантне кармить ваномо те зданиянть лангс? Те а тев. Пурнадо административной комиссия ды ваннынк те кевкстеманть", - кармавтсь Артём Алексеевич.
Мордовия Республикань Прявтонть пресс-службась