Медьковонь 20-це чистэ Мордовия Республикань Прявтонь тевтнень топавтыцясь Артём Здунов важодемань коряс вастневсь Россиянь Торгово-промышленной палатань президентэнть Сергей Катырин марто. Сынь кортызь Мордовиянь бизнес-сообществанть ды минек масторонь енкстнэнь вейсэнь важодемань виевгавтомадо, истя жо кортасть региононь продукциянть экспортонь кастомадо.
Артём Здунов тешкстызе, республикантень седе товгак эряви важодемс РФ-нь ТПП-нь марто. Вейсэнь важодемань сехте эрявикс ёнксось - оптиковолоконный кластерэсь. Стакачись вана мейсэ, Россиянь кой-кона компаниятне рамсить омбо масторонь, аволь эсенек оптическое волокно, а ваныть РФ-нь Правительствань «О подтверждении производства промышленной продукции на территории Российской Федерации» кармавтоманть лангс. Теде «Оптиковолоконные системы» АО-сь важоди ансяк 50%. Республикань прявтось яволявтсь: «Эряви ванстомс Россиянь Федерациянь рыноконть, косо ней юты покш стройка».
Истя жо МР-нь Прявтонь тевтнень топавтыцясь ёвтнесь масторонь промышленной покш предприятиятнень марто вейсэнь важодемань эрявиксчиденть. Региононь кой-кона компаниятне важодить аволь весе вийсэ. «Минек улить зярыя промышленной покш предприятият, конатнень эрявить одкстомтомс. «Трансмашхолдинг» АО-нь марто ушодынек важодеме «Электровыпрямитель» ПАО-нть марто. Эсь шкастонзо «Лисма» пек покш светотехнической заводонтень истя жо эрявить полавтомат. Миненек эряви парсте арсезь лезкс», - тешкстызе Артём Здунов.
РФ-нь ТПП-нь президентэсь мерсь, Россиясо важодить торгово-промышленной территориальной 180 палатат. Ламотне эйстэст улевельть Мордовиянтень продукциянь миемасо паро партнерокс. «Покш субъектнэсэ эряви се, мезе нолдави республикасо. Те аволь ансяк кодамояк содавикс продукция, но и паряк вейсэнь проектт», - мерсь Сергей Катырин.
Теде башка, вастовозтне ваннызь республикань продукциянь экспортонь кастомань кевкстеманть. Ёвтазель мель пурнамс МР-нь предприятиянь бизнес-миссият, ков тердемс Россиянь Федерациянь Торгово-промышленной палатань омбо масторонь представительстватнень.
Мордовия Республикань Прявтонь Пресс-службась