Аштемковонь 19-це чистэ Московсо Мордовиянь Прявтонь тевтнень топавтыцясь Артём Здунов вастневсь Россиянь цифровой развитиянь, связень ды массовой коммуникациянь министранть Максут Шадаев марто. Кортавсть «Цифровая экономика» национальной проектэнь топавтомань коряс кевкстематне.
Сынст ютксо кортамось мольсь республикань социальной объекттнэс Интернетэнь ветямодо, кудонь ды транспортонь инфраструктурань стявтомань проектированиясо связень од стандарттнэнь тевс нолдамодо. Кортамонь покш пелькс алтавсь оптической волокнань нолдамонтень. Ледстясынек, течи «Оптиковолоконные системы» оптоволокнань нолдамонь Россиянь вейкине заводось ашти Саранскойсэ, сон нолды продукция импортонь производствань заготовкатнестэ. Вастовомасонть кортасть заводсо оптоволокнань эсест преформатнень пачтямодо, а эряви учнемс омбо масторонь пельде пачтямот.
Вастовомасонть састь мельс, Россиянь Минцифрань прявтось сы важодемань коряс Мордовияв, содавтови республикань инфраструктуранть марто ды арсеви седе тов вейсэнь важодемась. Арсеви ладямс вейсэнь важодема Россиянь Федерациянь государственной облачной вейкине платформань теемань коряс, косо кармить ванстовомо даннойтне. Кортамось моли Россиясо вейкине Дата-центрадо, сехте покш, нилеце классонь доступностень, кона карми Мордовиянь Технопарконь Информационно-вычислительной комплекссэ. Истя жо Минцифрась лезды полочамс Мордовия Республикань Удостоверяющей центрань аккредитация, течи сон максы электронной подписть государственной властень органонь малав 8,6 тёжат важодицятнень туртов, местной самоуправлениянь ды подведомственной организациятнень туртов.
Мордовия Республикань Прявтонь Пресс-службась