Мордовиянь Прявтонть тевтнень топавтыцясь Артём Здунов панжиковонь 4-це чистэ Санкт-Петербургсо вастневсь Россиянь Военно-морской флотонь главнокомандующеенть адмиралонть Николай Евменов марто. Кортамось мольсь Феодор Ушаковонь канонизациянь 20 иетнень тешкстамонтень алтазь мероприятиятнесэ военной моряктнень, нахимовецтнэнь ды кадеттнэнь участиянь кевкстематнеде.
Ледстясынек, апак изняво адмиралонть канонизациянь 20 иетнень тешкстамотне ютавтовить 2021 иень умарьковонь 4-5-це читнестэ Саранскойсэ ды Темниковасо. Теде башка, республикасонть Ушаковонь иенть перть ютавтовить ине флотоводецэнтень алтазь мероприятият, сынст ютксо - экскурсият Мордовиясо Ушаковонь таркатнева.
Вастовоманть лувсо истя жо ваннозь од ломантнень патриотизмань лувсо кастомань ды Мордовиянь Темниковань енкссо паломникень-туристичестэнь кластерэнь виевгавтомань кевкстематне.
Мордовия Республикань Прявтонть пресс-службась