Артём Здунов тешкстызе: «Россельхознадзоронь важодемась лезды республикань агропромышленной комплексэнь виевгавтомантень. Вейсэнь тевдеемась лезды витемс кевкстематнень, конат сюлмавозь масторонь продовольствиянь безопасностень топавтоманть марто. Свалшкань ванновт ало эряви кирдемс истят енкстнэнь, кода эпизоотической сэтьмечись, кадозь модатнень велень хозяйствасо тевс нолдамось, фальсификаттнэнь редямось».
Виктор Кидяев эсь пачтямосонзо тешкстызе, 2023 иестэ профилактикань тевтне малав колмоксть икельдизь контрольнойтнень – те корты Россельхознадзоронь важодемань превентивной лувдонть.
Управлениянь тевдеемасонть прявт енксокс кадови Мордовия Республикасо аволь вадря, истя жо фальсифицированной продукциянь оборотс а нолдамось, ракшань кирдемань продукциянь безопасностень федеральной мониторингень топавтомась, истя жо социальной эрявикс учреждениятнесэ.
2022 иенть коряс вадрячинь ды безопасностень невтевкстнэнь коряс ярсамопелень продукциянь а ладямонь тевтне киртявсть малав 20%.
Прявт енксось – велень хозяйствань модатнень мельга ванномась – ютавтовиця тевтнень вельде 2023 иестэ велень хозяйствасо нолдазь тевс 1,5 тежат гектарт кадозь модат. Истя жо редязь 12 аволь санкционированной шукшпрят, 11 шукшпрят ванськавтозь.
Вастовомасонть кортасть Россельхознадзоронь региононь управлениянть, республикань Правительстванть ды местной самоуправлениянь органтнэнь марто седе тов вейсэнь тевдеемадонть.
Мордовия Республикань Прявтонь Пресс-службась