Чадыковонь 15-це чистэ Мордовия Республикань Прявтонть тевтнень топавтыцясь Артём Здунов видеоконференцсвязенть вельде ульнесь Государственной Советэнь президиумонть ды «Агентство стратегических инициатив по продвижению новых проектов» АНО-нть вейсэнь промкссонть. Конань ветизе Россиянь Федерациянь Президентэсь Владимир. Пачтямотне алтазельть тонавтомасо, медицинасо, социальной ванстомасо ды важодемань таркань муемасо государственной услугатнень доступностенть ды вадрячинть кастомантень. Те ёнксонтень аравтозь федеральной ды региононь уровнянь тевтне анокстазь Национальной социальной инициативатнень лувсо, конатнень государствань прявтонть кармавтоманзо коряс топавты АСИ-сь.
Владимир Путин тешкстызе, те проектэнть прявт смустезэ сюлмавозь Россиянь эрьва ломаненть эрямонзо вадрялгавтоманть марто. Ответственной чиновниктнень икеле ашти задача: теемс соцсферань важодеманть седе лезэвекс ды ладямс весе ёнкстнэнь эрицятнень вешемаст мельсэ кирдезь. Текень пингстэ РФ-нь Президентэсь тешкстызе: "Ломантнень а талновтыть технической, административной, организационной кевкстематне. Сыненст эряви вадрясто ды шкастонзо явомс лезксэнть, специалисттнэ, конат явить тенст те лезксэнть, сынсь иляст вастово стакачи марто, - вана тень эряви миненек теемс. Невтемакс, врачтне, тонавтомань, социальной службань важодицятне иляст топавто коневонь ламо важодема, а явост шка ды мель ломантненень, васняяк".
Президентэсь кармавтсь келейгавтомс опытэнть ды компетенциятнень максомань лувонть, ладямс вейсэнь важодема региононь командатнень ютксо, пурнамс сехте вадря практикатнень ды Агентстванть марто вейсэ лездамс регионтнэнень нолдамс тевс лезэв решениятнень тонавтомань, шумбрачинь ванстомань, социальной обслуживаниянь учреждениятнень ды занятостень куншкакуротнень тевдеемасо. Государствань прявтось тешкстызе, социальной инициативатне улест виевгавтомань национальной тевтнень топавтомань прявт енксокс. Сехте прявтось эйсэст: ломантне эряст седе вадрясто покш оштнесэ, вишка велетнесэ, весе масторонть келес.
Госсоветэнь президиумонь промксонть прядовомадонзо мейле Артём Здунов кортась правительствань социальной блоконь представительтнень марто сехте талновтыця кевкстематнень коряс. "Миненек эряви домкасто тонавтнемс эрямонь сеть тевтнень, конатнеде кортась Президентэсь, ды конатнес погонить минек ломантне, шумбрачинь ванстомань, тонавтомань, соцзащитань енкссо государственной услугатнень мельга пшкадемстэ. Свал-аволь те кись чарькодевиця ды лезэв?" - тешкстызе республикань руководителесь.
Кемекстазь, маласо шкастонть тонавтнемс соцсферасо услугатнень явомань вадрялгавтоманть коряс регионтнэнь сехте вадря практикатнень. Артём Здунов тешкстызе, эряви тонавтнемс республикань ломантнень эрямонь ситуацияст, конат печтить стакачить госуслугатнень получамсто, ды, евтамс мельть-арсемат сынст доступностенть топавтомга.
Ледстясынек, Национальной социальной инициативатнень АСИ-сь топавты Россиянь Президентэнть Владимир Путинэнь кармавтоманзо коряс. НСИ-сь - те ломантнень эрямост вадрялгавтоманть коряс федеральной ды региононь тевтне. 2020 иестэнть НСИ-нь механизматне нолдазь тевс Новгородской, Нижегородской, Кемеровской, Калининградской, Сахалинской областтнесэ ды Башкириясо. 2021 иестэнть НСИ-сь нолдави тевс весе масторонть келес.
Мордовия Республикань Прявтонть пресс-службась