Артём Здунов: "WorldSkills Russia профессиональной ерокчинь коряс чемпионатось - важодема таркань муемантень ды вадря зарплатантень васенце эскелькс"

Артём Здунов: "WorldSkills Russia профессиональной ерокчинь коряс чемпионатось - важодема таркань муемантень ды вадря зарплатантень васенце эскелькс"

Сундерьковонь 25-це чистэ Республикань Кудосонть Мордовиянь Прявтось Артём Здунов ды Профессиональной ерокчинь виевгавтомань агентстванть (Ворлдскиллс Россия) генеральной прявтось Роберт Уразов ютавтсть промкс 2022 иестэнть Саранскойсэ «Молодые профессионалы» (WorldSkills Russia)  Раськень Х чемпионатонь финалонтень анокстамонь кевкстематнень коряс. 

Ледстясынек, Мордовиясо Весероссиянь покш мероприятиясь ютавтови пелькстамонь кочкамонть коряс. Мордовия Республикань Правительстванть ды Россиянь Ворлдскиллс Агентстванть ютксо тешкстазь вейсладямо WorldSkills Russia-2022 Нацфиналонть дистанционно-очной лувсо ютавтоманть коряс. 

Первенствась ютавтови Саранскойсэ 2022 иень панжиковонь 24-28-це читнестэ 20 компетенциятнень коряс. Васенцеде пелькстамонь программантень совавтови «Специалист по тестированию игрового программного обеспечения» компетенциясь - республикань те ушодксонть кирдизе Агентствась. Панжиковонь 30-це чистэнть саезь аштемковонь 2-це чинть видьс ютавтови Россия Ворлдскиллс движениянь эксперттнэнь, лилертнэнь ды организатортнэнь Форумось. 

Россия Ворлдскиллс Агентстванть генеральной прявтось Роберт Уразов тешкстызе, «Молодые профессионалы» (WorldSkills Russia) Раськень чемпионатось аволь ансяк невти неень шкань профессиятнень, истя жо максы питне регионтнэнь тонавтомань систематненень. "Чемпионатось лезды совавтомс эрямос сеть решениятнень, конат теевить важодемань рынкасонть, технологической компаниятнесэ, бизнессэ. Те лезды анокстамс кадратнень од лувсо, - тешкстызе сон. - Аволь умок лиссь Президентэнть кармавтомазо од ломантнень тердемаст туртов кадратнень профессиональной анокстамонь программанть топавтомга Россиянь Ворлдскиллс совавтомадонзо. Невтемакс, тедеде нацпроекттнэнь лувсо минь одс тонавтсынек 56 тежат эрицятнень". 

 WorldSkills Russia Нацфиналонь оргкомитетэнь прявтсо Мордовиянь Прявтось Артём Здунов. Сон тешкстызе, икеле истят мероприятият ютавтовсь ансяк покш оштнесэ, ды вана ней эстафетанть саи Саранскоесь."Миненек сыть 2 тежадо ламо экспертт зярыя отраслятнестэ - те покш потенциал туризмань виевгавтоманть туртов, минь карматано бажамо, штобу минек инжетне евтневельть весенень, ули Мордовия, косо пек вадрясто вастыть инжеть, - мерсь Артём Здунов. - Сехте прявтось - те профессиональной компетенциятне, минь эйсэст вадрясто невтезь: автомобилень, велень хозяйствань техникань витнемасто саезь робототехниканть ды ярсамопелень кластерэнть видьс. Чемпионатонь финалонь эрьва участникесь невтьсы эсь прянзо кода профессионал РФ-нь уровнясо, мейле мереви лисемс Европань ды масторлангонь чемпионаттнэс. Те важодемань вадря специальность, те тевень муемантень ды вадря зарплатантень васенце эскелькс". 

Мордовия Республикань Прявтонь пресс-службась