Артём Здунов якась «Хорошее дело» ды «Магма» компаниятнень группань предприятиятнес

Артём Здунов якась «Хорошее дело» ды «Магма» компаниятнень группань предприятиятнес

Чадыковонь 17-це чистэ Дубенкань енкссо важодемань коряс улемстэ Мордовиянь Прявтонть тевтнень топавтыцясь якась «Хорошее дело» ды «Магма» компаниятнень группань предприятиятнес.

«Хорошее дело» агрогруппась касты ракшат, види сюрот, тикше. Келейстэ невтезь ловксонь енксось. 2017 иестэнть саезь ветяви «Дубенский»ловсонь комплексэнь строямось (6400 скалс). Проектэнь виезэ карми 52 тежат тоннат ловсо иезэнзэ. Теевить 130 важодемань таркат. Строямонь тевтнень арсить прядомс 2023 иестэнть. Комплексэнтень совить стадань кирдемань туртов 6 корпус, 2 потявтомань залт ды 7 телятникть. Весе продукциясь карми пачтявомо «Мечта» эсест перерабатывающей комбинатонтень. Те предприятиянть миемань рынкась - Россиясь ды СНГ-нь мастортнэ.

Артём Алексеевич ваннызе уш панжозь корпусонть ды кортась важодицятнень марто. Ней тесэ важодить 43 ломанть. "Веленть туртов зяро вакансият - те пек паро. Сехте прявтось жо, те важодеманть кисэ пандост вадря зарплата. Сестэ ломантне кармить кадовомо эрямо ды важодеме эсест тиринь велетнес", - тешкстызе региононь руководителесь

МР-нь Прявтонть тевтнень топавтыцясь истя жо ваннызе «Магма Керамик» предприятиянть. Тесэ нолдыть зярыя видэнь ды тюсонь кирпецть, кев ды брусчатка. Сынь пачтявить Россиянь Федерациянь 50 регионтнэс. Сехте эрявикс те кирпецесь частной кудотнень строямсто. Предприятиянть ванномадонзо мейле Мордовиянь Прявтонть тевтнень топавтыцясь Артём Здунов ютавтсь важодемань вастовома Сергей Сиушов марто, «Хорошее дело» ды «Магма» ГК-нь прявттнэнь советэнь председателенть. 

Мордовия Республикань Прявтонть пресс-службась