Масторонь Президентэсь Владимир Путин кармавтсь кавто недлянь перть анокстамс те иестэнть регионтнэнень финансонь башка лезксэнь явомань ёнкстнэнь, штобу кирдемс мельсэ те кевкстеманть Федеральной Собраниянтень сыця кучомасонть. Теде яволявтозель Правительствань члентнэнь марто промкссонть, конась ютавтовсь эйзюрковонь 31-це чистэ.
«Федерациянь субъекттнэнь финансонь тевтне аштить минек свалшкань ванновт ало, - тешкстызе Владимир Путин. – Меельце шкастонть топавтозь зярыя тевть регионтнэнь кирдемга ды эрявикс лезксэнть тенст явомга – васняяк, нама, кортамось моли эпидемиянть шкасто кемекстазь тевтнеде». Масторонь Президентэсь ледстизе, мелят явозь 280 млрд целковойть виде дотацият ды эштё 223 млрд целковойть бюджетэнь специальной кредитт. «Россиянь экономиканть вельмевтемань ёнкстнэ ансяк кемекставить, минь тынк марто тень вадрясто содасынек. Аволь весе субъекттнэсэ минь нейтянок деловой активностень кеме касоманть, секскак регионтнэнь доходонь юрось ламосо аволь стабильной. Тень кувалма ули мелем марямс коллегатнень, губернатортнэнь пельде региононь финансонь «ёжонть» коряс сынст ванновтост, истя жо мельтнень-арсематнень сень коряс, кодат од тевть эрявить аволь ансяк регионтнэнь финанстнэнь стабильностенть топавтомга, истя жо экономикань касомань темпатнень покшолгавтомга, минек прявт тевенек – путомс юр РФ-нь эрьва субъектэнть эрязасто виевгавтоманть туртов».
Регионтнэнь финансонь юрост кемекстамонть коряс вейсэнь мельтнень-арсематнень пачтинзе Челябань областень губернаторось Алексей Текслер. Васняк, сынь токшить регионтнэнь коммерческой кредиттнэнь реструктуризациянть, истя жо ютавтовиця финансонь политиканть кисэ масторонь субъекттнэнь ответственностенть. Те кевкстеманть коряс вал максозель Мордовиянь Прявтонь тевтнень топавтыцянтень Артём Здуновнень, сон яволявтсь республикасонть госдолгонть коряс тевтнеде.
«Минек республиканть туртов долгонь ды сонзэ марто сюлмавозь органичениятнень стакачись ашти прявтокс. Ютазь иенть прядовомсто властень федеральной органтнэнь марто вейсэ кемекстазь зярыя тевть социально-экономической ситуациянть вадрялгавтомга. Миненек удалась иень невтевкстнэнь коряс кастомс доходтнэнь 4,1% - 24 млрд целковойстэ саезь - 25,1. Ютавтови важодема рынкань долгонть ды процентэнь пандоматнень киртямост коряс. Минь путтанок икеленк тев – тедеде киртямс проценттнэнь ды пандоматнень 30%. Сбербанконть марто вейсэ важодтянок коммерческой весе долгонть рефинансированиянть коряс» - мерсь Мордовиянь Прявтонь тевтнень топавтыцясь. Кортамосонзо тешкстызе, регионось уш течи топавтызе госдолгонть коряс целевой невтевксэнть, конась тешкстазь РФ-нь Финансонь министерстванть марто 2021 иес вейсладямосонть. «Россиянь Минфинэнть марто минь кемекстынек ды топавтанок финанстнэнь шумбралгавтомань программанть, те лезды кастомс пандоматнень административностенть, бюджетэнть эсензэ доходтнэнь. Сбербанконть марто вейсэ анокстатанок региононь инвестициянь программанть, конасонть тешкставить инвестициянь проекттнэ. Минпромторгонть лезксэнзэ вельде анокстазь покш коллектив марто предприятиятнень кризисстэ ливтемань аравтлув, тееви минек предприятиятнень сбытэнь стратегиясь ды од производстватнень виевгавтомань программась. Минэкономразвитиянть марто вейсэ прядови республикань инвестиционной декларациянь анокстамось, важодтянок икельдиця виевгавтомань тарканть коряс. Максовить преференцият инвестортнэнь туртов. Стратегической инициативатнень агентстванть марто вейсэ кастови Мордовиянь инвестициянь мельстуемась. Уш ней те таркантень тердевить покш ярмак марто налогонь од пандыцят, тень вельде кастовить эсенек доходтнэ. Минстроенть марто ванновить ЖКХ-нь ды эрямо таркатнень строямонтень лездамонь весе ёнкстнэ, те истя жо карми экономикань кастомасо икелев ветицякс», - ёвтнесь Артём Здунов республикасонть финанстнэнь шумбралгавтомань коряс важодемадонть. Текень пингстэ тешкстызе стакачинть: «Минек лангс лепштить кармавтомань бюджетэнь тевтне. Ламот объекттнэнь, васняяк ЖКХ-нь, эрявить витнемс те кизэнь строямонь шкастонть. Ансяк республикань кастомань-кепетемань аравтлувонь топавтомась а ули лезэвекс, бути а витемс долгонь нагрузкань ды капитальной путовкстнэнь лангс амеремань каямонь стакачинть. Неть тевтнень эряви кемекстамс маласо шкастонть».
Артём Здунов энялдсь лездамс республикантень РФ-нь Правительстванть марто вейсэ Кемеровской областень примерэнть лангс нежедезь социально-экономической виевгавтомань башка программанть анокстамосо. Тешкстызе: «Федеральной бюджетэнть икеле бюджетэнь кредиттнэнь коряс региононь задолженностесь витезь ды чарькодевикс сы шкантень. Бюджетэнь долгонь обслуживаниянь питнесь вишкине, прявт суммань пандомась явозь сыця шкантень. Ансяк региононь рынкань долгось пек питней».
Тень кувалма Мордовиянь Прявтонь тевтнень топавтыцясь ёвтась мель ванномс бюджетэнь кредиттнэнь вельде республикань коммерческой долгонь рефинансированиянть. «Тень пингстэ а эряви нолдамс икелень стакачитнень. Секскак целанек кирьдса заимствованиянь туртов пшти ограничениятнень кемекстамонь меленть сеть регионтнэнь туртов, конат совить реструктуризациянь программантень!» - мерсь Артём Здунов.
Масторонь Президентэсь кирдизе региононь руководителенть: «Целанек, нама, мон Тынк марто пран вемельс, эряви весементь ванномс минфинэнть марто».
Седе тов масторонь Президентэсь мерсь, Правительствась эскельксэнь эскелькс важоди регионтнэнь финанстнэнь шумбралгавтоманть коряс. «Прявт пелькстнэстэ вейкесь тесэ – коммерческой долгонть реструктуризациясь, мезде минь течи кортатанокак. Истят кредиттнэ, кода свал, питнейть, максовить нурька шкас. Теде Мордовиясто губернаторось кортась. Сынь пек стакат регионтнэнь туртов. Эрявить анокстамс истямо реструктуризациянь ёнкстнэнь ды теемс тень пек видестэ. Тень теемс эряви маласо шкастонть», - яволявтсь государствань прявтось.
Владимир Путин кармавтсь анокстамс мельть-арсемат регионтнэнь коммерческой долгтнень реструктуризациянть ды региононь инфраструктурань кастомань-кепетемань программатнень нолдамонть коряс.
Мордовия Республикань Прявтонть пресс-службась
«Федерациянь субъекттнэнь финансонь тевтне аштить минек свалшкань ванновт ало, - тешкстызе Владимир Путин. – Меельце шкастонть топавтозь зярыя тевть регионтнэнь кирдемга ды эрявикс лезксэнть тенст явомга – васняяк, нама, кортамось моли эпидемиянть шкасто кемекстазь тевтнеде». Масторонь Президентэсь ледстизе, мелят явозь 280 млрд целковойть виде дотацият ды эштё 223 млрд целковойть бюджетэнь специальной кредитт. «Россиянь экономиканть вельмевтемань ёнкстнэ ансяк кемекставить, минь тынк марто тень вадрясто содасынек. Аволь весе субъекттнэсэ минь нейтянок деловой активностень кеме касоманть, секскак регионтнэнь доходонь юрось ламосо аволь стабильной. Тень кувалма ули мелем марямс коллегатнень, губернатортнэнь пельде региононь финансонь «ёжонть» коряс сынст ванновтост, истя жо мельтнень-арсематнень сень коряс, кодат од тевть эрявить аволь ансяк регионтнэнь финанстнэнь стабильностенть топавтомга, истя жо экономикань касомань темпатнень покшолгавтомга, минек прявт тевенек – путомс юр РФ-нь эрьва субъектэнть эрязасто виевгавтоманть туртов».
Регионтнэнь финансонь юрост кемекстамонть коряс вейсэнь мельтнень-арсематнень пачтинзе Челябань областень губернаторось Алексей Текслер. Васняк, сынь токшить регионтнэнь коммерческой кредиттнэнь реструктуризациянть, истя жо ютавтовиця финансонь политиканть кисэ масторонь субъекттнэнь ответственностенть. Те кевкстеманть коряс вал максозель Мордовиянь Прявтонь тевтнень топавтыцянтень Артём Здуновнень, сон яволявтсь республикасонть госдолгонть коряс тевтнеде.
«Минек республиканть туртов долгонь ды сонзэ марто сюлмавозь органичениятнень стакачись ашти прявтокс. Ютазь иенть прядовомсто властень федеральной органтнэнь марто вейсэ кемекстазь зярыя тевть социально-экономической ситуациянть вадрялгавтомга. Миненек удалась иень невтевкстнэнь коряс кастомс доходтнэнь 4,1% - 24 млрд целковойстэ саезь - 25,1. Ютавтови важодема рынкань долгонть ды процентэнь пандоматнень киртямост коряс. Минь путтанок икеленк тев – тедеде киртямс проценттнэнь ды пандоматнень 30%. Сбербанконть марто вейсэ важодтянок коммерческой весе долгонть рефинансированиянть коряс» - мерсь Мордовиянь Прявтонь тевтнень топавтыцясь. Кортамосонзо тешкстызе, регионось уш течи топавтызе госдолгонть коряс целевой невтевксэнть, конась тешкстазь РФ-нь Финансонь министерстванть марто 2021 иес вейсладямосонть. «Россиянь Минфинэнть марто минь кемекстынек ды топавтанок финанстнэнь шумбралгавтомань программанть, те лезды кастомс пандоматнень административностенть, бюджетэнть эсензэ доходтнэнь. Сбербанконть марто вейсэ анокстатанок региононь инвестициянь программанть, конасонть тешкставить инвестициянь проекттнэ. Минпромторгонть лезксэнзэ вельде анокстазь покш коллектив марто предприятиятнень кризисстэ ливтемань аравтлув, тееви минек предприятиятнень сбытэнь стратегиясь ды од производстватнень виевгавтомань программась. Минэкономразвитиянть марто вейсэ прядови республикань инвестиционной декларациянь анокстамось, важодтянок икельдиця виевгавтомань тарканть коряс. Максовить преференцият инвестортнэнь туртов. Стратегической инициативатнень агентстванть марто вейсэ кастови Мордовиянь инвестициянь мельстуемась. Уш ней те таркантень тердевить покш ярмак марто налогонь од пандыцят, тень вельде кастовить эсенек доходтнэ. Минстроенть марто ванновить ЖКХ-нь ды эрямо таркатнень строямонтень лездамонь весе ёнкстнэ, те истя жо карми экономикань кастомасо икелев ветицякс», - ёвтнесь Артём Здунов республикасонть финанстнэнь шумбралгавтомань коряс важодемадонть. Текень пингстэ тешкстызе стакачинть: «Минек лангс лепштить кармавтомань бюджетэнь тевтне. Ламот объекттнэнь, васняяк ЖКХ-нь, эрявить витнемс те кизэнь строямонь шкастонть. Ансяк республикань кастомань-кепетемань аравтлувонь топавтомась а ули лезэвекс, бути а витемс долгонь нагрузкань ды капитальной путовкстнэнь лангс амеремань каямонь стакачинть. Неть тевтнень эряви кемекстамс маласо шкастонть».
Артём Здунов энялдсь лездамс республикантень РФ-нь Правительстванть марто вейсэ Кемеровской областень примерэнть лангс нежедезь социально-экономической виевгавтомань башка программанть анокстамосо. Тешкстызе: «Федеральной бюджетэнть икеле бюджетэнь кредиттнэнь коряс региононь задолженностесь витезь ды чарькодевикс сы шкантень. Бюджетэнь долгонь обслуживаниянь питнесь вишкине, прявт суммань пандомась явозь сыця шкантень. Ансяк региононь рынкань долгось пек питней».
Тень кувалма Мордовиянь Прявтонь тевтнень топавтыцясь ёвтась мель ванномс бюджетэнь кредиттнэнь вельде республикань коммерческой долгонь рефинансированиянть. «Тень пингстэ а эряви нолдамс икелень стакачитнень. Секскак целанек кирьдса заимствованиянь туртов пшти ограничениятнень кемекстамонь меленть сеть регионтнэнь туртов, конат совить реструктуризациянь программантень!» - мерсь Артём Здунов.
Масторонь Президентэсь кирдизе региононь руководителенть: «Целанек, нама, мон Тынк марто пран вемельс, эряви весементь ванномс минфинэнть марто».
Седе тов масторонь Президентэсь мерсь, Правительствась эскельксэнь эскелькс важоди регионтнэнь финанстнэнь шумбралгавтоманть коряс. «Прявт пелькстнэстэ вейкесь тесэ – коммерческой долгонть реструктуризациясь, мезде минь течи кортатанокак. Истят кредиттнэ, кода свал, питнейть, максовить нурька шкас. Теде Мордовиясто губернаторось кортась. Сынь пек стакат регионтнэнь туртов. Эрявить анокстамс истямо реструктуризациянь ёнкстнэнь ды теемс тень пек видестэ. Тень теемс эряви маласо шкастонть», - яволявтсь государствань прявтось.
Владимир Путин кармавтсь анокстамс мельть-арсемат регионтнэнь коммерческой долгтнень реструктуризациянть ды региононь инфраструктурань кастомань-кепетемань программатнень нолдамонть коряс.
Мордовия Республикань Прявтонть пресс-службась