Мордовиянь Прявтонь тевтнень топавтыцясь Артём Здунов эйзюрковонь 30-це чистэ ютавтсь Мордовия Республикасо коррупциянть а нолдамонь коряс важодемань ладямонь Комиссиянть промкс.
Кортавсть 2020 иестэ коррупциянь преступлениятнень коряс тевтне. МР-ва МВД-нть пачтямонзо коряс, ютазь иестэнть правань ванстомань органтнэ редясть коррупциянь енксонь 205 зыянов тевть, покш пельксэсь эйстэст топавтозь государственной властенть енкссо ды сюлмавозь эрьва кодамо уровнянь должностной лицятнень таркаст злоупотреблениянть марто.
Прявт ёнкстнэстэ вейкесь – нацпроекттнэнь топавтоманть пингстэ правань коламотнень а нолдамось, 2020 иетсэнть внутренней тевень органтнэнь важодицятне редясть 14 истят преступленият, сынст коряс ёмавкстнэ кармасть малав 1 миллион целковойть, сынь велявтозь целанек. Мордовиянь Прявтонь тевтнень топавтыцясь тешкстызе, ёмавкстнэнь велявтомань коряс важодемась пек эрявикс – неть ярмактнень эряви велявтомс экономикас ды сынь важодест республиканть лезэс.
Промкссонть истя жо кортасть 2020 иестэ «Противодействие коррупции в Республике Мордовия» госпрограмманть топавтомадонзо. Башка мель явозель закупкатнень коряс контролентень ды сынст лезэвчист кастомантень (бюджетэнь ярмактнень экономиянть мельсэ кирдезь). Истя, республикасонть вишка покшолмань закупкатнень панжадочинть ды конкурентоспособностенть кастомга теезь вишка закупкатнень порталось. Эрьва иень Национальной рейтингенть коряс Мордовиясь кармась васенцекс «Высокая прозрачность» категориясонть.
Мордовиянь Прявтонь тевтнень топавтыцясь тешкстызе, эряви кастомс госзакупкатнень коряс специалисттнэнь квалификацияст, ды кармавтсь анокстамс тонавтыця курсат.
Мордовия Республикань Прявтонть пресс-службась