Саранск ошонь округонь прявтось Игорь Асабин невтизе республикань руководителентень те иентень китнень лангсо важодематнень аравтлувонть. Эйсэнзэ зярыя енкст, истя жо гарантиянь лувсо китнень витнемась – сынст вейсэнь кувалмось 124 вайгельбеть. Покш ярмакт явовить латкотнень витнемс: бути мелят неть тевтнес ютавтозельть 15 млн целковойть, тедеде жо, кода тешкстызе Игорь Асабин, явовить 70 млн.
Китнень лангсо важодематне ушодовить сестэ, зярдо чить ды веть карми лембе. Республикань Прявтось кармавтсь виевгавтомс важодеманть весе енкстнэнь коряс, истя жо кочкамс сеть китнень, конатне пек каладсть. Тесэ ошонтень евтыть сынсь автомобилень ветницятне, Артём Здунов кармавтсь Саранскоень мэрэнтень явомс покш мель эрицятнень пшкадематненень ды кирдемс мельсэ стака таркатнень, конатнень тешкстасызь ошонь эрицятне. Республикань Прявтось истя жо явсь мель китнень лангсо разметканть шкастонзо теемань эрявиксчинть лангс. Тевтне ютавтовост ветькак.
«Безопасные и качественные дороги» нацпроектэнть коряс 2024 иестэнть Саранскойсэ арсеви витнемс китнень вете пелькст, вейсэнь кувалмсо 6 вайгельбетнеде седе ламо. Тевтне топавтозь икельдязь 2023 иестэ.
Республикань китнень фондсто субсидиятнень вельде 2024 иестэ арсеви витнемс автомобилень китнень 11 пелькст, вейсэнь кувалмсо 5 вайгельбеть, неть тевтнес ютавтовить 220 млн целковойть. Тевтне кармить топавтовомо аштемковонь 1-це чистэнть саезь ожоковонь 1-це чинть видьс. Те истят пелькстнэ:
– Гагаринэнь курось Полежаевень куростонть саезь Коммунистической куронть видьс;
– Гагаринэнь курось А. Невскоень куростонть саезь Ульяновонь куронть видьс;
– Косаревень курось Волгоградской куростонть саезь Октябрянь 70 иень проспектэнть видьс;
– Васенконь курось Титовонь куростонть саезь Ботевградской куронть видьс;
- Лямбирской шоссесь Победань куростонть саезь Татнефть АЗС-нть видьс;
– Кооперативной курось Ленинэнь куростонть саезь Железнодорожной куронть видьс;
- Полянки поселкасонть Робочей курось Полянкань школастонть саезь Полянки Станциянть видьс;
– Жуковскоень проездэсь Большевистской куростонть саезь Ленинэнь проспектэнть видьс;
– Мичуринэнь курось Гагаринэнь куростонть саезь Филатовонь куронть видьс;
– Докучаевень курось Зеленой куростонть саезь Гончаровонь куронть видьс;
– Чекаевской сэдентень молемась Пушкинэнь куростонть саезь Чекаевской сэденть видьс.
Кода пачтясть промкссонть Мордовия Республикань Прявтонь ды Мордовия Республикань Правительствань Администрациянь руководителень васенце полавтыцясь Игорь Датков ды Мордовия Республикань ЦУР-нь руководителесь Андрей Барашихин, важодематнень аравтлувонтень, конань невтизе Саранскоень мэрэсь, совавтозь ошонть туртов китнень аволь весе стака пелькстнэ. Теде башка, улить пек яжазь кить, конатнень эряви витемс уш ней, лембендямонь апак учо. Мордовиянь Прявтось неть мельтнень кирдинзе: китнень лангсо ломантнень сэтьмечись – васенце таркасо. Кемекстазь решения аравтлувонть келейгавтомс.
Мордовия Республикань Прявтонь Пресс-службась