Мордовиянь Прявтонь тевтнень топавтыцясь Артём Здунов эйзюрковонь 25-це чистэ ютавтсь промкс Саранскойсэ Косаревень куронть ды Северо-Восточной кинть вакссо тарканть кастоманзо-кепетеманзо коряс, тесэ ульнесть компаниянь-застройщикень представительтне.
Те таркасонть арсеви строямс ламо квартирань 29 кудот. Республикань руководителесь тешкстызе: те таркась улезэ вадрякс эрявмонть туртов, тесэ улест эйдень кужот, школа, поликлиника. Артём Алексеевич кармавтсь республикань Минстроентень куроксто ёвтамс мельтнень-арсематнень, кона госпрограмматнень коряс мереви явовтомс финансирования социальной инфраструктурань неть эрявикс объекттнэнь строямс.
Ледстясынек, «Жилье и городская среда» нацпроектэнь топавтоманть лувсо тедеде республикасонть эряви строямс эрямо таркань 340 кавонзазь метрат.
Мордовия Республикань Прявтонть пресс-службась