Вастовомасонть истя жо ульнесть вице-премьерэсь Наталья Таркаева, МР-нь финансонь министрась Сергей Тюркин, Россиянь Банконь Председателень полавтыцясь – Статс-секретаресь Алексей Гузнов, Россиянь Банконь Волго-Вятской ГУ-нь прявтось Лариса Павлова, Россиянь Банконь Кадрань политикань департаментэнь прявтось Татьяна Тихонова.
Алексей Иванов Россиянь Банксонть важоди 1997 иестэнть саезь, ютызе кинть Россиянь Федерациянь Центральной Банконь Волго-Вятской главной управлениянь Ульяновской областенть коряс Отделениянь питней коневтнень марто важодемань коряс отделэнь прявтстонть саезь Отделениянь управляющеень полавтыцянть видьс. Экономикань наукань кандидат.
Вастовомасонть кортасть вейсэнь тевдеемань кевкстематнеде. Мордовиянь Прявтось Артём Здунов тешкстызе, исполнительной властень региононь органтнэнь, организациятнень ды ведомстватнень важодемань группатнесэ ды комиссиятнесэ Мордовия Республикасо Национальной банконь – Отделениянь представительтнень улемань эрявиксчинть. Сынст ютксо – МР-нь Экономикань нардевчинть кирдемань коряс антикризисной штабось, МР-нь Финансонь содамочитнень кастомань коряс советэсь, информационно-коммуникационной технологиятнень тевс нолдамонть вельде зыянов тевтнень а нолдамонь коряс важодемань группась.
Мордовия Республикань Прявтонь Пресс-службась