Артём Здунов евтась сюкпря Сергей Чирковнень региононтень весемеендонь лезксэнь явоманть кисэ ды тешкстызе республикань Правительстванть ды Социальной фондонть ютксо вейсэнь тевдеемань покш уровнянть. Зярдо стясь кевкстемась Саранскоень клиентэнь службасонть эрицятнень приемонь условиятнень вадрялгавтоманть коряс, Правительствась евтась мель строямс од здания. Куроксто кемекстазель решения модань участкань явоманть коряс, явозель лезкс строямонь шкасто лисиця весе кевкстематнень витемасо.
Мордовиясь истя жо эрязасто кирдизе Россиянь Социальной фондонь масторсонть сыре ломантнень Вастовомаст-кортамост туртов куншкакуротнень теемаст коряс проектэнть. Течи Мордовиясо панжозь Вастовомань-кортамонь 17 куншкакурот, малав эрьва районсонть. «Куншкакуротне пек вечкевить сиянь иень ломантненень. Сынь тосо вастневить-кортыть. Мон монсь тосо эрсян ды марян неть куншкакуротнеде сехте вадря валт», – мерсь республикань Прявтось
Сергей Чирков евтызе Мордовия Республикава Россиянь Федерациянь Пенсионной ды социальной страхованиянь фондонь отделениянть масторсонть сехте вадрятнестэ вейкекс важодемань лезэвчинть коряс. «Те Отделениянь коллективень важодемань ды республикань властень ероков лездамонь цетавкс», – тешкстызе сон.
Вастовомасонть кортасть Социальной фондонь варчамонь проекттнэсэ республиканть улемадонзо, истя жо Мордовия Республикава Отделениянь клиентэнь службатнень строямонь ды педе-пев витнемань кевкстематнеде.
Мордовия Республикань Прявтонь пресс-службась